காது அருகில் பிறப்புறுப்பை வைத்து… சூப்பர் மார்க்கெட்டில் பெண்ணிடம் அநாகரிகமாக நடந்த நபர்.. வைரலாகும் பகீர் வீடியோ..!!

தெற்கு கலிபோர்னியாவின் வாலென்சியா பகுதியில் உள்ள ‘ஹோல் ஃபுட்ஸ் மார்க்கெட்’ (Whole Foods Market) என்ற சூப்பர் மார்க்கெட்டில், இளம்பெண் ஒருவருக்கு நேர்ந்த அருவருக்கத்தக்க சம்பவம் அப்பகுதியில் பெரும் பரபரப்பை ஏற்படுத்தியுள்ளது. கடந்த மார்ச் 23, 2026 அன்று இந்தச் சம்பவம் நிகழ்ந்துள்ளது. கடையில் பொருட்கள் வாங்குவதற்காக அந்தப் பெண் மண்டியிட்டு அமர்ந்து தேடிக்கொண்டிருந்தபோது, மர்ம நபர் ஒருவர் அவரிடம் அநாகரீகமாக நடந்துகொண்டுள்ளார்.

கடையின் சிசிடிவி (CCTV) காட்சிகளின்படி, அந்த நபர் தனது ஆடைகளை விலக்கி, பெண்ணின் காதுப் பகுதியில் தனது பிறப்புறுப்பை அழுத்தி அநாகரீகமாகச் செயல்பட்டது உறுதியாகியுள்ளது. எதிர்பாராத இந்தச் செயலால் அந்தப் பெண் அதிர்ச்சியடைந்து நிலைகுலைந்து போனார். அந்த நபர் உடனடியாகக் கடையை விட்டு வெளியேறித் தப்பியோடிவிட்டார். இது தொடர்பாகப் பாதிக்கப்பட்ட பெண் அளித்த புகாரின் அடிப்படையில் காவல்துறையினர் வழக்குப் பதிவு செய்துள்ளனர்.

தற்போது லாஸ் ஏஞ்சல்ஸ் கவுண்டி ஷெரிப் துறை (LASD) அதிகாரிகள் சிசிடிவி காட்சிகளின் உதவியுடன் அந்த மர்ம நபரைத் தீவிரமாகத் தேடி வருகின்றனர். கடையின் கண்காணிப்பு கேமராவில் பதிவாகியுள்ள உருவத்தை வைத்து சந்தேக நபரை அடையாளம் காணும் பணிகள் முடுக்கிவிடப்பட்டுள்ளன. பொது இடங்களில் பெண்களுக்கு எதிராக நடக்கும் இத்தகைய அத்துமீறல்கள் அந்தப் பகுதி மக்களிடையே பெரும் அச்சத்தையும் ஆத்திரத்தையும் ஏற்படுத்தியுள்ளது.