அடச்சீ… நீயெல்லாம் மனுஷனா?… பள்ளி தலைமையாசிரியர் மாணவிகளுக்கு கொடுத்த பாலியல் தொல்லை… நவாடாவில் அரங்கேறிய கொடூரம்…!

நவாடா ஆனந்த்புரா பகுதியில் இயங்கிவரும் பள்ளியொன்றில், தலைமையாசிரியர் மீது ஆறாம் வகுப்பு முதல் எட்டாம் வகுப்பு வரை பயிலும் பல மாணவியர் ஒன்றிணைந்து தீவிரமான பாலியல் அத்துமீறல் புகார்களை முன்வைத்துள்ளனர். ஆசிரியர்–மாணவர் இடையேயான புனிதமான உறவை சீர்குலைக்கும் வகையில், அந்த ஆசிரியர் தொடர்ந்து தவறாகப் பேசுவதும், அநாகரிகமாகத் தொடுவதும் எனத் தொடர் அத்துமீறல்களில் ஈடுபட்டு வந்ததாகப் பாதிக்கப்பட்ட மாணவிகள் வேதனையுடன் தெரிவித்துள்ளனர்.

தண்ணீர் குடிக்கச் சென்றபோது தங்களை வலுக்கட்டாயமாகத் தன் மடியில் அமரவைத்து அநாகரிகமாக நடந்துகொண்டதாகவும், தேர்வுக்கான வினாத்தாளைப் பெறச் சென்ற மாணவியின் கன்னத்தைத் தொட்டுத் தவறாக நடந்துகொண்டதாகவும் மாணவிகள் விவரித்துள்ளனர். மேலும், குளியலறையை எட்டிப் பார்ப்பது, முடியைப் பிடித்து இழுப்பது எனப் பல வழிகளில் அந்த தலைமையாசிரியர் தங்களுக்குத் தொல்லை கொடுத்து வந்ததாகப் பாதிக்கப்பட்ட சிறுமிகள் அடுக்கடுக்கான குற்றச்சாட்டுகளைச் சுமத்தியுள்ளனர்.

சமூகத்திற்கு வழிகாட்ட வேண்டிய ஆசிரியர் பொறுப்பில் இருந்துகொண்டு, பிஞ்சுக் குழந்தைகளின் மனதில் ஆழமான வடுவையும் பயத்தையும் ஏற்படுத்தியிருக்கும் இதுபோன்ற நச்சுத்தனமான நபர்கள் சமுதாயத்திற்குப் பெரும் அச்சுறுத்தலாவார்கள். குரு-சீட பாரம்பரியத்தைக் கொச்சைப்படுத்திய இத்தகைய குற்றவாளிகளுக்கு ஆயுள் தண்டனைக்குக் குறையாத கடுமையான சட்டப் பிரிவு தண்டனைகள் உடனடியாக வழங்கப்படுவதே பாதிக்கப்பட்ட குழந்தைகளுக்கு நீதியைப் பெற்றுத் தரும்.