எங்கே போனாலும் அது முக்கியம்… உஷாரா இருங்க – சீரியல் நடிகை ரக்சிதாவின் கணவர் தினேஷ் வெளியிட்ட வீடியோ வைரல்!

டிவி சீரியல்களில் நடித்து பிரபலமானவர் தினேஷ். விஜய் டிவியில் பிக் பாஸ் சீசன் 7ல் போட்டியாளராகவும் பங்கேற்றவர். இவர் சீரியல் நடிகை ரக்சிதாவை காதல் திருமணம் செய்து கொண்டார். ஆனால் கருத்து வேறுபாடு காரணமாக ரக்சிதாவை தினேஷ் பிரிந்து விட்டார். இப்போது ரக்சிதா சினிமாவிலும் நடித்து வருகிறார்.

இந்நிலையில் நடிகர் தினேஷ் கைது செய்யப்பட்டதாக ஒரு தகவல் வெளியாகி பரபரப்பை ஏற்படுத்தியது. ஆனால் நான் கைது செய்யப்படவில்லை. விசாரணைக்காக மட்டுமே போலீஸ் ஸ்டேஷனுக்கு சென்றேன் என்று அப்போது தினேஷ் விளக்கம் கொடுத்தார். இந்நிலையில் தனக்கு எதிராக பதிவு செய்யப்பட்ட எப் ஐ ஆர் ரத்து செய்யப்பட்டு இருப்பதாக தினேஷ் இப்போது வீடியோ வெளியிட்டு இருக்கிறார்.

அந்த வீடியோவில் தினேஷ் கூறியிருப்பதாவது, நான் தாக்குதல் நடத்தியதாக ஒரு நபர் போலியாக புகார் கொடுத்திருக்கிறார். அதில் குறிப்பிட்டுள்ள நேரத்தில் நான் ஒரு வழக்கின் விசாரணைக்காக நீதிமன்றத்தில் நீதிபதி முன்பு நின்று கொண்டிருந்தேன். அதை ஆதாரத்துடன் நிரூபித்ததால் போலீஸ் உண்மையை ஏற்றுக் கொண்டிருக்கிறது என்று தினேஷ் கூறி இருக்கிறார்.

மேலும் நீங்கள் எங்கே இருக்கிறீர்கள் என எப்போதும் ஒரு ஆதாரம் வைத்துக் கொள்ளுங்கள். போனில் லொகேஷன் ஹிஸ்டரி ஆன் செய்து வையுங்கள். எங்கு போனாலும் போட்டோ எடுத்துக் கொள்ளுங்கள். அப்போதுதான் இது போன்ற பொய் புகார் வந்தால் சட்டப்படி உங்களை காப்பாற்றிக் கொள்ள முடியும் என்றும் தினேஷ் அதில் கூறியிருக்கிறார்.