“ஒரு நாள் பொறுத்திருங்கள்”… சற்றுமுன் செங்கோட்டையன் பரபரப்பு அறிவிப்பு…!

அதிமுகவில் இருந்து நீக்கப்பட்ட செங்கோட்டையன் சற்றுமுன் தனது எம்எல்ஏ பதவியை ராஜினாமா செய்துள்ளார். இன்று காலை தனது காரில் இருந்து அதிமுக கொடியை அகற்றிய அவர் வீட்டிலிருந்து வெளியே புறப்பட்டார். ஆனால் செய்தியாளர்கள் அவரை பின்தொடர்ந்ததால் மீண்டும் வீடு திரும்பினார். இதனிடையே திமுக முக்கிய அமைச்சரும் அவருடன் பேச்சுவார்த்தை நடத்தியதாக கூறப்பட்ட நிலையில் சற்று முன் சபாநாயகரை சந்தித்து தனது ராஜினாமா கடிதத்தை செங்கோட்டையன் வழங்கியுள்ளார். இதனைத் தொடர்ந்து அவர் தமிழக வெற்றி கழகம் கட்சியில் இணைவார் என்று கூறப்படுகிறது.

இதனிடையே ராஜினாமா செய்வதற்கு முன்பு சென்னை தேனாம்பேட்டையில் செய்தியாளர்களை சந்தித்த செங்கோட்டையன், தமிழக வெற்றி கழகம் கட்சியில் இணைகிறீர்களா என்ற கேள்விக்கு, “ஒரு நாள் பொறுத்திருங்கள்” என்று பதிலளித்துச் சென்றார். இதனால் நாளை தமிழக வெற்றிக்கழகம் தலைவர் விஜய் முன்னிலையில் செங்கோட்டையன் கட்சியில் இணைய இருப்பதாக கூறப்படுகிறது.