“டிக்கெட் இருந்தும் நடுவழியில் இறக்கிவிடப்பட்ட குடும்பம்”… ரயிலில் நடந்த அந்த ஒரு அறை… பெண்ணின் கண்ணீர் வாக்குமூலம்… வைரலாகும் பகீர் வீடியோ…!!!

ரயிலில் இருக்கை தகராறு காரணமாக பெண் ஒருவர் மற்றும் அவரது குடும்பத்தினர் நட்டநடுவே இறக்கிவிடப்பட்ட அதிர்ச்சியூட்டும் சம்பவம் சமூக வலைதளங்களில் வைரலாகி வருகிறது. ஹரித்வாருக்கு தனது குழந்தையின் மொட்டை அடிக்கும் சடங்கிற்காகச் சென்ற ஒரு குடும்பத்தினரிடம், மற்றொரு தாய் மற்றும் மகள் ஜோடி அநாகரீகமாக நடந்துகொண்டதாகக் கூறப்படுகிறது.

மேலும் உறுதி செய்யப்பட்ட டிக்கெட் இருந்தபோதிலும், அந்தப் பெண்ணின் இருக்கையை ஆக்கிரமித்துக் கொண்ட அந்த கும்பல், அதனை காலி செய்ய மறுத்ததோடு மட்டுமல்லாமல், பாதிக்கப்பட்ட பெண்ணை தகாத வார்த்தைகளால் திட்டி, உடல் ரீதியாகவும் தாக்கியுள்ளனர். ஒரு கட்டத்தில் அந்த இளம்பெண் பயணியை அறைந்த வீடியோவும் வெளியாகி அதிர்ச்சியை ஏற்படுத்தியுள்ளது.

“>

இந்த விவகாரம் இத்துடன் முடிவடையாமல், சகாரன்பூர் ரயில் நிலையத்தில் அந்தத் தாய்-மகள் ஜோடியின் உறவினர்கள் ரயிலில் ஏறி அராஜகத்தில் ஈடுபட்டுள்ளனர். அவர்கள் ரயிலின் அபாயச் சங்கிலியைப் பிடித்து இழுத்து நிறுத்தி, பாதிக்கப்பட்ட குடும்பத்தினரை வலுக்கட்டாயமாக ரயிலில் இருந்து கீழே இறக்கிவிட்டுள்ளனர்.

இது குறித்து பாதிக்கப்பட்ட பெண் புகார் அளிக்கச் சென்றபோது, காவல்துறையினர் முறையான நடவடிக்கை எடுக்கவில்லை என்றும், வழக்கை வாபஸ் பெற லஞ்சம் கேட்டதாகவும் அவர் குற்றம் சாட்டியுள்ளார். இந்தச் சம்பவம் ரயில் பயணிகளின் பாதுகாப்பு குறித்த பெரும் அச்சத்தையும், அதிகாரிகளின் மெத்தனப் போக்கு குறித்த கண்டனங்களையும் எழுப்பியுள்ளது.