“தளபதிக்கு 1,000 பொண்டாட்டிங்க நாங்க இருக்கோம்”…. சங்கீதா விவாகரத்து முடிவால் கொந்தளித்த ரசிகை…. வைரல் வீடியோ….!

தமிழக வெற்றிக் கழகத் தலைவரும், தமிழ் சினிமாவின் முன்னணி நடிகருமான விஜய் மற்றும் அவரது மனைவி சங்கீதா ஆகியோருக்கு இடையே விவாகரத்து கோரப்பட்டுள்ளதாக வெளியாகி இருக்கும் செய்தி, அவரது ரசிகர்கள் மற்றும் அரசியல் வட்டாரத்தில் பெரும் அதிர்ச்சியை ஏற்படுத்தியுள்ளது. கடந்த சில ஆண்டுகளாகவே இவர்களுக்குள் கருத்து வேறுபாடு நிலவி வருவதாகக் கூறப்பட்ட நிலையில், தற்போது சங்கீதா நீதிமன்றத்தில் விவாகரத்து மனுத்தாக்கல் செய்துள்ளதாகத் தகவல்கள் தெரிவிக்கின்றன. 1999-இல் திருமணம் செய்துகொண்ட இந்தத் தம்பதிக்கு இரண்டு பிள்ளைகள் உள்ளனர்.

இந்த விவாகரத்து முடிவுக்கு ஒரு பிரபல நடிகையுடன் விஜய்க்கு இருக்கும் நெருக்கமே காரணம் என்று சங்கீதா தரப்பில் குற்றம் சாட்டப்பட்டுள்ளதாகக் கூறப்படுகிறது. இந்த விவகாரம் தொடர்பாக செங்கல்பட்டு குடும்பநல நீதிமன்றம் விஜய்க்கு நேரில் ஆஜராகுமாறு உத்தரவிட்டுள்ளதுடன், வரும் ஏப்ரல் 20-ஆம் தேதி இந்த வழக்கு விசாரணைக்கு வரவுள்ளது. இருப்பினும், இந்த விவகாரம் குறித்து விஜய் தரப்பிலிருந்து இதுவரை அதிகாரப்பூர்வமான விளக்கமோ அல்லது மறுப்போ தெரிவிக்கப்படவில்லை.

இந்நிலையில், சமூக வலைதளங்களில் ஒரு இளம்பெண்ணின் வீடியோ தற்போது காட்டுத்தீயாகப் பரவி வருகிறது. அந்த வீடியோவில், “எங்கள் தளபதிக்கு ஆயிரம் அக்கா, தங்கைகள் இருக்கிறோம்; சங்கீதா போனால் என்ன, அவருக்கு மனைவியாகக் கூட நாங்கள் இருந்து ஆதரவு அளிப்போம்” என்று அந்தப் பெண் ஆவேசமாகப் பேசியுள்ளார். விஜய்யின் தீவிர ரசிகையாகத் தன்னை வெளிப்படுத்திக் கொண்ட அந்தப் பெண்ணின் கருத்து, இணையவாசிகள் மத்தியில் விவாதப் பொருளாக மாறியுள்ளது.

விஜய் தற்போது முழுநேர அரசியலில் ஈடுபட்டு, தனது தமிழக வெற்றிக் கழகத்தை வலுப்படுத்தும் பணிகளில் தீவிரமாக இறங்கியுள்ள சூழலில், இத்தகைய குடும்பப் பிரச்சனைகள் அவரது அரசியல் பயணத்தில் எந்த மாதிரியான தாக்கத்தை ஏற்படுத்தும் என்ற கேள்வி எழுந்துள்ளது. ஒருபுறம் ரசிகர்கள் கவலையில் ஆழ்ந்திருந்தாலும், சமூக வலைதளங்களில் ஆதரவும் எதிர்ப்பும் கலந்த கருத்துக்கள் தொடர்ந்து பதிவிடப்பட்டு வருகின்றன.