சபரிமலை ஐயப்பன் கோவிலில் நடந்த நகை திருட்டு… நடிகர் ஜெயராம் விசாரணைக்கு ஆஜராக போலீஸ் உத்தரவு!

கேரளாவில் பிரசித்தி பெற்ற ஆன்மீக தலமாக விளங்கும் சபரிமலை ஐயப்பன் கோவிலில் நடந்த தங்கம் திருட்டு மிகப்பெரிய அதிர்ச்சியை பக்தர்கள் மத்தியில் ஏற்படுத்தியது. இதுகுறித்து கேரளா சிறப்பு புலனாய்வு பிரிவு விசாரணை நடத்தி வருகிறது இந்த வழக்கை அமலாக்கத் துறையும் விசாரணை செய்து வருகிறது. சிறப்பு புலனாய்வு பிரிவு இதுவரை 12 பேரை இந்த வழக்கில் கைது செய்துள்ளது. இதில் 4 பேர் ஜாமீனில் வெளிவந்துள்ளனர்.

இந்நிலையில் இந்த வழக்கு குறித்து விசாரிக்க நடிகர் ஜெயராம் அழைக்கப்பட்டுள்ளார். அடுத்த சில நாட்களில் அவர் அமலாக்கத்துறை முன்பு விசாரணைக்கு ஆஜராக உள்ளார். ஏற்கனவே கேரளா போலீஸ் சிறப்பு புலனாய்வு குழு சென்னையில் நடிகர் ஜெயராமிடம் விசாரணை நடத்தியது குறிப்பிடத்தக்கது. ஐயப்பன் கோவில் நுழைவாயிலில் இருந்த தங்க தகடுகள் துவாரக பாலகர் சிலைகளில் இருந்து தங்கம் திருடப்பட்ட நிலையில் அந்த தங்க தகடுகளை வீட்டில் வைத்து பூஜை செய்த விவகாரத்தில் நடிகர் ஜெயராம் இந்த வழக்கில் முக்கிய ஒரு நபராக இருக்கிறார் என்பது குறிப்பிடத்தக்கது.