கண்ணீருடன் மைதானத்தை விட்டு வெளியேறிய ரொனால்டோ…! உலகமே உறைந்துபோன அந்த ஒரு நிமிடம்…! அதிர்ச்சியில் ரசிகர்கள்…!!

தனது கடைசி உலகக் கோப்பையாக இருக்கும் என்று போட்டிக்கு முன்னதாகவே அறிவித்து இருந்தார் கிறிஸ்டியானோ ரொனால்டோ. ஸ்பெயினுக்கு எதிரான தோல்வியைத் தொடர்ந்து, 2026 ஃபிஃபா உலகக் கோப்பை தொடரில் இருந்து போர்ச்சுகல் வெளியேறியதால், கிறிஸ்டியானோ ரொனால்டோவின் உலகக் கோப்பை கனவு கண்ணீருடன் முடிவுக்கு வந்தது. சர்வதேச கால்பந்து அரங்கில் உலகக் கோப்பையை வெல்ல வேண்டும் என்ற அவரது நீண்ட நாள் ஆசை இந்த தோல்வியின் மூலம் நிராசையானது.

2006-ஆம் ஆண்டு உலகக் கோப்பை தொடரில் முதன்முதலில் விளையாடிய ரொனால்டோ, இந்த உலகக் கோப்பையே தனது கடைசி உலகக் கோப்பையாக இருக்கும் என்பதை முன்பே உறுதிப்படுத்தியிருந்தார். கடந்த இரண்டு தசாப்தங்களாக போர்ச்சுகல் அணியின் தூணாக விளங்கிய அவர், முதல் முறையாக, தொடர்ச்சியாக இரண்டாவது தொடரில் போர்ச்சுகலை காலிறுதிக்கு அழைத்து செல்ல முயன்றார். ஆனால், சர்வதேச கால்பந்து வரலாற்றின் மிகச்சிறந்த வீரர்களில் ஒருவரான அவருக்கு இந்த போட்டி ஏமாற்றமாகவே அமைந்தது.

மறுபுறம், 2010-இல் தென் ஆப்பிரிக்காவில் தனது ஒரே உலகக் கோப்பையை வென்ற பிறகு, ஸ்பெயின் முதல் முறையாக உலகக் கோப்பை காலிறுதி சுற்றுக்கு முன்னேறியுள்ளது. போர்ச்சுகல் அணிக்கு எதிரான இந்த முக்கியமான போட்டியில் சிறப்பான ஆட்டத்தை வெளிப்படுத்திய ஸ்பெயின், ரொனால்டோவின் உலகக் கோப்பை சகாப்தத்திற்கு முற்றுப்புள்ளி வைத்ததோடு, நடப்பு தொடரில் தங்களது உலகக் கோப்பை கனவை நோக்கி அடுத்த அடி எடுத்து வைத்துள்ளது.