“என்ன ஒரு புத்திசாலித்தனம்….” திருமண வரவேற்பு நிகழ்ச்சியில் ஆலங்கட்டி மழை… சரிந்த மேற்கூரையை தாங்கி பிடித்த உறவினர்கள்…. இணையத்தில் வைரலாகும் வீடியோ…!!

ஆஸ்திரேலியாவின் சிட்னி நகரில் அக்டோபர் 3 அன்று நடைபெற்ற ஒரு திருமண வரவேற்பு நிகழ்ச்சியின் போது, திடீரெனப் பலத்த புயலுடன் கூடிய கனமழையும் ஆலங்கட்டி மழையும் வெளுத்து வாங்கியது. இதில் திருமண மண்டபத்தின் கூரை மீது அதிகளவில் மழைநீரும் ஆலங்கட்டிகளும் தேங்கியதால், அதன் ஒரு பகுதி எடையும் தாங்காமல் கீழ்நோக்கிச் சரியத் தொடங்கியது.

இதைக் கண்டு அதிர்ச்சியடைந்த விருந்தினர்கள், தங்களின் ஆடம்பர ஆடைகளையும் பொருட்படுத்தாமல், அங்கிருந்த மர நாற்காலிகளைக் கைகளில் ஏந்தி கூரையை மேல்நோக்கித் தாங்கிப் பிடித்து அசம்பாவிதம் ஏற்படாமல் தடுத்தனர். இந்த விநோதமான வீடியோ சமூக வலைதளங்களில் வைரலாகி வரும் நிலையில், நியூ சவுத் வேல்ஸ் மாநிலத்தில் வீசிய இந்தப் புயலால் பல்வேறு இடங்களில் சேதம் ஏற்பட்டு மீட்புக் குழுவினருக்கு 180-க்கும் மேற்பட்ட உதவி அழைப்புகள் வந்தது குறிப்பிடத்தக்கது.