ராமேஸ்வரம் டூ காசி.. இலவச சுற்றுலா பயணம் செல்ல நீங்க ரெடியா?.. பக்தர்களுக்கு தமிழக அரசு குட் நியூஸ்..!!

தமிழ்நாடு அரசு சார்பில் இந்து அறநிலைத்துறை பல்வேறு திட்டங்களை செயல்படுத்தி வருகிறது. கும்பாபிஷேகம், ஆக்கிரமிக்கப்பட்ட நிலங்கள் மீட்பு, இலவச ஆன்மீகச் சுற்றுலா போன்றவற்றை நடைமுறையில் உள்ளது. தற்போது ராமேஸ்வரம், அருள்மிகு ராமநாதசுவாமி திருக்கோவிலிலிருந்து காசி விஸ்வநாதசுவாமி கோவில் வரை 600 பக்தர்கள் கட்டணமில்லாமல் ஆன்மீக சுற்றுலாக்கு அழைத்துச் செல்வதாக தமிழ்நாடு அரசு சார்பில் அறநிலை துறை அறிவிப்பு வெளியிட்டுள்ளது. தகுதி வாய்ந்த பக்தர்கள் விண்ணப்பிக்கலாம் என்று இந்து சமய அறநிலைத்துறை அமைச்சர் பி.கே.சேகர்பாபு அறிக்கை வெளியிட்டுள்ளார்.

20 இணை ஆணையர் மண்டலங்களிலிருந்து ஒரு மண்டபத்தில் 30 பக்தர்கள் என 600 நபர்களை தேர்வு செய்ய உள்ளதாக தகவல் வந்துள்ளது. இந்து மதத்தை சேர்ந்த 60 இலிருந்து 70 வயதுக்கு உட்பட்டவராக இருக்க வேண்டும். ஆண்டு வருமானம் ரூ. 2 லட்சத்துக்கு மிகாமல் இருப்பதோடு வட்டாட்சியரிடம் சான்றிதழை பெற்றிருக்க வேண்டும்.  உடல் தகுதி உள்ளதாக குறிப்பிட்ட மருத்துவச் சான்றிதழும் ஆதார் நகல் இணைக்கப்பட வேண்டும். மண்டல இணை ஆணையர் அலுவலகத்தில் நேரில் விண்ணப்பிக்கலாம் அல்லது www.hrce.tn.gov.in என்ற அதிகாரப்பூர்வ இணையதளத்தில் விண்ணப்பிக்கலாம். தேவையான ஆவணங்களை இணைத்து மண்டல இணை ஆணையர் அலுவலகத்தில் அக்டோபர் 22, 2025 க்குள் சமர்ப்பிக்க வேண்டும். மேலும் விவரங்களுக்கு 1800 425 1757 என்ற   தொலைபேசிக்கு தொடர்பு கொண்டு தெரிந்து கொள்ளுங்கள்.