கேவலம்..! “கருப்பன்” என சஞ்சுவுக்கு எதிரான இனவெறி கருத்து… X தளத்தில் அந்த ஒரு பதிவால் கொந்தளித்த இந்திய ரசிகர்கள்… பின்னணி என்ன..??

ஐசிசி டி20 உலகக்கோப்பை 2026 தொடரில், மேற்கிந்தியத் தீவுகள் அணிக்கு எதிரான வாழ்வா? சாவா? ஆட்டத்தில் இந்திய வீரர் சஞ்சு சாம்சன் அபாரமாக விளையாடி அணியை வெற்றிபெறச் செய்தார். கொல்கத்தா ஈடன் கார்டன்ஸ் மைதானத்தில் நடந்த இந்தப் போட்டியில், 50 பந்துகளில் ஆட்டமிழக்காமல் 97 ரன்கள் குவித்த அவர், இந்திய அணி அரையிறுதிக்குத் தகுதி பெற முக்கியக் காரணமாக அமைந்தார்.

சஞ்சு சாம்சனின் இந்த வரலாற்றுச் சிறப்புமிக்க ஆட்டத்தை ஒட்டுமொத்த நாடும் கொண்டாடி வரும் நிலையில், சமூக வலைதளமான X தளத்தில் (ட்விட்டர்) நபர் ஒருவர் சஞ்சுவின் நிறத்தைக் குறித்து மிகவும் இழிவான மற்றும் இனவெறி கருத்தைப் பதிவிட்டிருந்தார். “கருப்பானவரால் தான், கருப்பினத்தவர்களை வீழ்த்த முடியும்” (Dark forces can defeat dark forces) என்ற அந்தப் பதிவு பெரும் சர்ச்சையை ஏற்படுத்தியது.

இந்த இனவெறி கருத்தைக் கண்ட இந்திய ரசிகர்கள் மற்றும் அரசியல் தலைவர்கள் அந்த நபருக்குக் கடும் கண்டனம் தெரிவித்தனர். குறிப்பாக, கேரளா காங்கிரஸ் கமிட்டி இது குறித்து மத்திய அமைச்சரிடம் புகார் அளித்து நடவடிக்கை எடுக்க வலியுறுத்தியது. எதிர்ப்புகள் வலுத்ததைத் தொடர்ந்து, அந்த நபர் தனது இழிவான பதிவை தற்போது நீக்கியுள்ளார்