“அதிகாரம் தோற்றது… அன்பு வென்றது”… “வீல் சேரில் வந்த வீரர்… முட்டியிட்ட புடின்”… உலகத்தையே திரும்பிப் பார்க்க வைத்த அந்த ஒரு சம்பவம்….!

உலக அரசியலில் ‘இரும்பு மனிதர்’ என்று வர்ணிக்கப்படும் ரஷ்ய அதிபர் விளாடிமிர் புடின், சமீபத்தில் நடைபெற்ற அரசு விருது வழங்கும் விழாவில் தனது மென்மையான பக்கத்தை வெளிப்படுத்தி உலக நாடுகளை வியப்பில் ஆழ்த்தியுள்ளார். சக்கர நாற்காலியில் அமர்ந்திருந்த மாற்றுத்திறனாளி வீரர் இவான் கொலுப்கோவிற்கு விருது வழங்கும்போது, புடின் சற்றும் தயங்காமல் முட்டியிட்டு அமர்ந்து, அந்த வீரரின் கண்களுக்கு நேராகப் பார்த்துப் பேசியபடி பதக்கத்தை அணிவித்தார். ஒரு நாட்டின் உச்சபட்ச தலைவர், ஒரு வீரரின் கௌரவத்திற்காகத் தன்னைப் தாழ்த்திக் கொண்ட இந்தச் செயல், அதிகாரத்தைக் கடந்து அவரிடம் இருக்கும் மனிதாபிமானத்தைப் பறைசாற்றியது.

புடினின் இத்தகைய பண்பிற்கு அவரது ராணுவ ஒழுக்கமும், தற்காப்புக் கலைகளில் அவர் பெற்றுள்ள பயிற்சியுமே அடிப்படை எனக் கருதப்படுகிறது. ஜூடோவில் கருப்புப் பட்டை பெற்ற அவர், “எதிரிக்கும் மரியாதை அளித்தல்” என்ற கலையின் தத்துவத்தைத் தனது வாழ்வியலில் கடைபிடிக்கிறார். குறிப்பாக, இரண்டாம் உலகப் போர் தியாகிகள் மற்றும் தேசத்திற்காக உழைத்த வீரர்களிடம் அவர் காட்டும் பணிவு அலாதியானது. ஒரு சாதாரண நடுத்தரக் குடும்பத்தில், வறுமை சூழ்ந்த சூழலில் வளர்ந்தவர் என்பதால், அடித்தட்டு மக்களின் உணர்வுகளையும் போராட்டங்களையும் அவர் நன்கு உணர்ந்திருக்கிறார்.

அரசியல் களத்தில் கடுமையான முடிவுகளை எடுக்கும் புடின், தனிப்பட்ட வாழ்வில் ஒரு தீவிர விலங்கு பிரியராகவும், கலை ஆர்வம் மிக்கவராகவும் திகழ்கிறார். காயமடைந்த புலிகளுக்குச் சிகிச்சை அளிப்பது, அழிந்து வரும் சிறுத்தைகளைப் பாதுகாப்பது எனத் தனது அதிகாரத்தை இயற்கையைப் பேணவும் பயன்படுத்துகிறார். இதுமட்டுமின்றி, பியானோ இசையில் தேர்ச்சி பெற்ற அவர், அவ்வப்போது பொது மேடைகளில் இசைத்துத் தனது கலைத் திறமையையும் வெளிப்படுத்துகிறார். ஜெர்மன் மொழியில் சரளமாகப் பேசும் புலமை கொண்ட அவர், ஒரு பன்மொழி அறிஞராகவும் சர்வதேசத் தலைவர்களுடன் உரையாடுகிறார்.

துல்லியமான நேர மேலாண்மை, எடுத்த முடிவில் பின்வாங்காத உறுதி மற்றும் எளிமை கலந்த கம்பீரம் ஆகியவை புடினை ஒரு தனித்துவமான தலைவராக அடையாளப்படுத்துகின்றன. ராணுவ மாணவர்களிடம் உரையாடும்போது காட்டும் தோழமை முதல், சாமானியர்களிடம் பழகும் விதம் வரை அவரது அணுகுமுறை எப்போதுமே ஆச்சரியம் அளிப்பவை. “எதிரியைச் சிறுதுளைக்குள் தள்ளினால் அவன் திருப்பித் தாக்குவான்” என்ற தனது வாழ்நாள் பாடத்தை மறக்காத புடின், வலிமையையும் கருணையையும் சரிவிகிதத்தில் கொண்ட ஒரு ஆளுமையாகத் திகழ்கிறார்.