ஜெமினி கணேசனுடன் ரகசிய திருமண உறவு.. சாவித்ரி மேல் கார் ஏற்றிக் கொல்லப் பார்த்த பெண்.. யார் இந்த புஷ்பவல்லி?

தமிழ் சினிமாவில் சிவாஜி கணேசனுக்கு இணையான நடிப்பாற்றலைக் கொண்டவர் சாவித்ரி. அதனால்தான் அவரை திரையுலகினரும் ரசிகர்களும் நடிகையர் திலகம் என்று அழைத்தனர். ஆந்திராவைப் பூர்விகமாகக் கொண்ட அவர் தமிழ் மற்றும் தெலுங்கு சினிமாக்களில் நடித்து புகழ்பெற்றார்.

சாவித்ரிக்கும் மற்ற நடிகைகளுக்கும் உள்ள வித்தியாசமே சாவித்ரி ஒரு பல்துறை வித்தகர் என்பதுதான்.  அவர் படத் தயாரிப்பு மற்றும் இயக்கம் என பலதுறைகளில் கால்பதித்தார். ஆனால் நடிப்பு அளவுக்கு அவருக்கு மற்ற துறைகள் கைகொடுக்கவில்லை. அதனால் தனது சொத்துகளை இழந்து கடைசி காலத்தில் பொருளாதார ரீதியாக நலிவடைந்தார்.

சாவித்ரி தன்னுடன் நடித்த சக நடிகரான ஜெமினி கணேசனை திருமணம் செய்துகொண்டார். ஜெமினி கணேசனுக்கு அப்போது ஏற்கனவே இரண்டு முறை திருமணம் ஆகியிருந்தது. பாப்ஜி மற்றும் புஷ்பவல்லி ஆகிய இருவரும் அவரது முதல் இரண்டு மனைவிகளாக இருந்தன.

சாவித்ரி ஜெமினி கணேசன் மேல் காதலில் விழுந்த போது அவருக்கு வயது 16 ஜெமினி கணேசனுக்கு 32 வயது. இந்த காதல் விவகாரம் வெளியே தெரிந்தபோது ஜெமினியின் முதல் மனைவி பாப்ஜி அதற்கு எந்த எதிர்ப்பும் தெரிவிக்கவில்லை. ஆனால் புஷ்பவல்லி சாவித்ரி மேல் கடும் கோபத்தில் இருந்துள்ளார்.

அந்த கோபம் உச்சத்துக்கு சென்று ஒருநாள் சினிமா படப்பிடிப்பில் இருந்த சாவித்ரி மேல் காரை ஏற்றி கொல்லும் அளவுக்கு சென்றுள்ளார். ஆனால் அதிர்ஷ்டவசமாக சாவித்ரிக்கு அன்று ஒன்றும் ஆகவில்லை. சாவித்ரி உடனான உறவால் ஜெமினி கணேசன் கொஞ்சம் கொஞ்சமாக புஷ்பவல்லி உடனான உறவை முறித்துக் கொண்டதுதான் இதற்குக் காரணம் என சொல்லப்படுகிறது.

இந்த புஷ்பவல்லிதான் இந்தியில் புகழ்பெற்ற நடிகையாக இருக்கும் ரேகாவின் தாயார் என்பது குறிப்பிடத்தக்கது.