சாலையில் நடந்து சென்ற சிறுமி… கடித்து குதறிய தெரு நாய்… ரத்தம் சொட்ட சொட்ட… பதைபதைக்க வைக்கும் சிசிடிவி காட்சி…!

நாட்டின் பல்வேறு பகுதிகளிலும் நாளுக்கு நாள் தெருநாய் தொல்லை என்பது அதிகரித்துவிட்டது. தெரு நாய்களின் தொல்லையை கட்டுப்படுத்த மாநில அரசுகள் பல நடவடிக்கைகளை மேற்கொண்டு வருகின்றன. பள்ளி செல்லும் குழந்தைகள் முதல் முதியவர்கள் வரை சாலையில் தெரு நாய்கள் தாக்குகின்றன. அதேசமயம் வீட்டிற்கு வெளியே விளையாடிக் கொண்டிருக்கும் குழந்தைகளுக்கு கூட தற்போது பாதுகாப்பு கிடையாது. அந்த அளவிற்கு வெறிநாய் தொல்லை அதிகரித்து விட்டதால் பலரும் பாதிக்கப்படுகிறார்கள். இதனால் சில நேரங்களில் உயிரிழப்புகளும் ஏற்படுகிறது.

இந்நிலையில் புதுச்சேரி நகர் பகுதியில் உள்ள நடைபாதையில் சிறுமி ஒருவர் நடந்து சென்று கொண்டிருந்தார். அப்போது அந்த சிறுமியை அங்கிருந்த தெரு நாய் ஒன்று கடித்து குதறி உள்ளது. தெரு நாய் கடித்ததில் சிறுமிக்கு ரத்தக்காயம் ஏற்பட்ட நிலையில் அங்கிருந்தவர்கள் தெருநாயை விரட்டி சிறுமியை மீட்டனர். பிறகு சிறுமியை அங்கிருந்த மருத்துவமனையில் சிகிச்சைக்காக அனுமதித்த நிலையில் அங்கு தீவிர சிகிச்சை அளிக்கப்பட்டு வருகிறது. தற்போது அது தொடர்பான சிசிடிவி காட்சி வெளியாகி அதிர்ச்சியை ஏற்படுத்தியுள்ளது.