யாரோடு கூட்டணி..? சஸ்பென்ஸ் உடைத்த பிரேமலதா… சரியான நேரத்தில் மெகா அறிவிப்பு..!

தேமுதிக பொதுச்செயலாளர் பிரேமலதா விஜயகாந்த், தென்காசி மாவட்டம் ஆலங்குளத்தில் நேற்று தீவிர தேர்தல் பரப்புரையில் ஈடுபட்டார். அங்கு கூடியிருந்த தொண்டர்கள் மத்தியில் பேசிய அவர், “மாற்றம் ஒன்றுதான் மாறாதது; அந்த மாற்றம் நிலையானது” எனக் குறிப்பிட்டுத் தேர்தல் களத்தில் தேமுதிகவின் முக்கியத்துவத்தை வலியுறுத்தினார். “நல்லவர்கள் லட்சியம் வெல்வது நிச்சயம்” என்று கூறிய அவர், தொண்டர்களும் மக்களும் விரும்பும் வகையில் ஒரு வலுவான கூட்டணியை தேமுதிக அமைக்கும் எனத் தெரிவித்தார். மேலும், கூட்டணி குறித்த அதிகாரப்பூர்வ முடிவை அவசரம் காட்டாமல், முறைப்படி உரிய நேரத்தில் அறிவிப்போம் எனத் தொண்டர்களுக்கு உறுதி அளித்தார்