தேர்வே கிடையாது… 10-வது தேர்ச்சி மட்டும் போதும்… தபால் துறையில் 30,000 பணியிடங்கள்….!

மத்திய அரசு வேலையை எதிர்நோக்கி காத்திருக்கும் இளைஞர்களுக்கு ஒரு மகிழ்ச்சியான செய்தி வெளியாகியுள்ளது. இந்திய அஞ்சல் துறை, 2026-ஆம் ஆண்டிற்கான கிராம அஞ்சல் ஊழியர் (GDS) பணியிடங்களுக்கான அறிவிப்பை விரைவில் வெளியிடவுள்ளது. நாடு முழுவதும் சுமார் 30,000-க்கும் மேற்பட்ட காலிப்பணியிடங்கள் நிரப்பப்பட உள்ள நிலையில், இதற்கான விண்ணப்பங்கள் வரும் ஜனவரி 20-ஆம் தேதி முதல் பிப்ரவரி 5-ஆம் தேதி வரை (உத்தேசமாக) ஆன்லைன் வாயிலாகப் பெறப்படும் என்று எதிர்பார்க்கப்படுகிறது. இதில் கிளை அஞ்சல் அதிகாரி (BPM), உதவி கிளை அஞ்சல் அதிகாரி (ABPM) மற்றும் தபால் சேவகர் ஆகிய பணியிடங்கள் அடங்கும்.

இந்த வேலைவாய்ப்பின் சிறப்பம்சமே, இதற்கு எந்தவிதமான எழுத்துத் தேர்வும் கிடையாது என்பதுதான். பத்தாம் வகுப்பில் மாணவர்கள் பெற்ற மதிப்பெண்களின் அடிப்படையில் மட்டுமே தகுதியானவர்கள் நேரடியாகத் தேர்வு செய்யப்படுவார்கள். விண்ணப்பதாரர்கள் 18 முதல் 40 வயதிற்கு உட்பட்டவர்களாகவும், பத்தாம் வகுப்பில் கணிதம் மற்றும் ஆங்கில பாடங்களைக் கட்டாயமாகப் பயின்றிருக்க வேண்டியதும் அவசியமாகும். மேலும், விண்ணப்பிக்கும் அந்தந்தப் பகுதியின் உள்ளூர் மொழியை நன்கு அறிந்திருக்க வேண்டும். விருப்பமுள்ளவர்கள் indiapostgdsonline.gov.in என்ற அதிகாரப்பூர்வ இணையதளத்தில் விண்ணப்பித்து, தேர்வு ஏதுமின்றி மத்திய அரசுப் பணியில் சேரும் இந்த அரிய வாய்ப்பைப் பயன்படுத்திக் கொள்ளலாம்.