இபிஎஸ்-க்கு ஷாக்… அதிமுக கூட்டணியில் இருந்து விலகல்?… விஜய்யுடன் ஐக்கியம்…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. அதே சமயம் கூட்டணி குறித்த பேச்சு வார்த்தையும் மும்முரமாக நடந்து கொண்டு இருக்கிறது. ஒரு பக்கம் திமுக தனது கூட்டணியை பலமாக வைத்துக்கொண்டு மீண்டும் ஆட்சியை தக்க வைத்து விடலாம் என்ற நிலைப்பாட்டோடு செயல்பட்டு வருகிறது.

மறுபக்கம் பாஜகவுடன் கூட்டணி வைத்துள்ள அதிமுக இந்த முறை தமிழகத்தில் நம்முடைய ஆட்சி தான் அமையும் என்று கூறிக் கொண்டிருக்கிறது. இவர்களுக்கு நடுவே விஜய் மக்களுக்கு புதியதொரு விடியலை தரப்போகிறேன் என்று பேசிக் கொண்டிருக்கிறார். அதன் அத்தியாயமாக இன்று திருச்சியில் தனது முதல் தேர்தல் பரப்புரையை விஜய் தொடங்கியிருந்தார். இது தமிழக அரசியலில் புதிய திருப்பத்தை ஏற்படுத்தும் என தெரிகிறது.

இந்நிலையில் திருச்சியில் பிரச்சாரத்தை தொடங்கிய தமிழக வெற்றிக்கழகம் தலைவர் விஜய்க்கு இந்திய ஜனநாயக கட்சி தலைவர் பாரிவேந்தர் வாழ்த்து தெரிவித்துள்ளார். தமிழ்நாட்டின் தலைவிதியை மாற்றும் அவரது வெற்றி பயணம் தொடரட்டும் என்று அவர் தன்னுடைய X தள பக்கத்தில் பதிவிட்டுள்ளார். இதன் மூலம் பாரிவேந்தர் அதிமுக கூட்டணியில் இருந்து விலகி தமிழக வெற்றி கழகம் கட்சியுடன் கூட்டணி அமைக்கலாம் என கூறப்படுகிறது. கூட்டணி கட்சிகளுக்கு ஆட்சி அதிகாரத்தில் பங்கு உண்டு என விஜய் அறிவித்துள்ளதால் பல புதிய கட்சிகள் தமிழக வெற்றி கழகம் கூட்டணியில் இணையலாம் என்று கூறப்படுகிறது.