பராசக்தி படத்துக்கு இப்படி ஒரு சிக்கலா? ஏமாற்றமடைந்த படக்குழு – அப்செட் ஆன படத்தின் நாயகன் சிவகார்த்திகேயன்!

இயக்குனர் சுதா கொங்கரா இயக்கத்தில் நடிகர் சிவகார்த்திகேயன் நடித்த பராசக்தி படம் வரும் பொங்கலுக்கு வெளியாக உள்ளது. இந்த படத்தில் முதன்முறையாக வில்லன் கேரக்டரில் நடிகர் ரவி மோகனும் முக்கிய கேரக்டரில் அதர்வாவும் நடித்துள்ளனர். படத்தில் நாயகியாக ஸ்ரீ லீலா நடித்திருக்கிறார். இந்த படத்தில் இருந்து 2 சிங்கிள் பாடல்கள் வெளியான நிலையில் விரைவில் 3வது சிங்கிள் வெளியாக உள்ளது. இதற்கிடையே இந்த படத்தின் இசை வெளியீட்டு விழா நடத்த ஏற்பாடுகள் செய்யப்பட்டது.

சென்னையில் உள்ள நேரு இண்டோர் ஸ்டேடியத்தில் இசை விழா நடத்த இருந்த நிலையில், குறிப்பிட்ட அந்த தேதியில் விளையாட்டு போட்டிகள் நடப்பதால் படக்குழுவுக்கு அனுமதி கிடைக்கவில்லை. இதனால் படக்குழுவினர் பலத்த ஏமாற்றத்தில் உள்ளனர். நடிகர் சிவகார்த்திகேயனும் அப்செட் ஆகி விட்டார். ஏனெனில் 5 ஆயிரம் பேர் பங்கேற்கும் இடவசதி அங்குதான் உள்ளது. அதனால் திருச்சி அல்லது மதுரையில் பராசக்தி படத்தின் இசை வெளியீட்டு விழாவை நடத்த படக்குழுவினர் ஆலோசித்து வருவதாக இப்போது தகவல் வெளியாகி உள்ளது.