இபிஎஸ்-க்கு ஷாக் கொடுத்த ஸ்டாலின்… அதிமுகவில் இருந்து விலகி 50+ இளைஞர்கள் திமுகவில் ஐக்கியம்… செம அப்செட்டில் எடப்பாடி…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கி கொண்டிருக்கும் சூழலில் அனைத்து கட்சிகளும் களத்தில் இறங்கி தீவிரமாக தேர்தல் பணியில் செயலாற்றி வருகின்றன. அதேசமயம் அதிமுக மற்றும் திமுகவுக்கு போட்டியாக விஜயின் தமிழக வெற்றிக்கழகம் கட்சி களத்தில் இறங்கியுள்ளதால் 2026 தேர்தல் களம் பரபரப்பாகவே பார்க்கப்படுகிறது. விஜய் அரசியலில் இறங்கிய பிறகு மாற்றுக் கட்சியினர் பலரும் தொடர்ந்து தமிழக வெற்றி கழகம் கட்சியில் இணைந்த வண்ணம் உள்ளனர். அதேசமயம் திமுகவும் தனது கூட்டணியை பலப்படுத்தும் முயற்சியில் ஓரணியில் தமிழ்நாடு என்ற உறுப்பினர் சேர்க்கையில் மாற்றுக் கட்சியினரை திமுகவில் இணைத்து வருகிறது.

இந்நிலையில் சென்னை ஆலந்தூர் தொகுதி நந்தம்பாக்கம் பகுதியை சேர்ந்த அதிமுகவை சார்ந்த 50-க்கும் மேற்பட்ட இளைஞர்கள் அமைச்சர் தாமு அன்பரசன் முன்னிலையில் திமுகவில் இணைந்தனர். இன்று நடைபெற்ற நிகழ்ச்சியில் புதிய உறுப்பினர்களுக்கு கட்சி துண்டு அணிவித்து உற்சாக வரவேற்பு அளிக்கப்பட்டது. விரைவில் மேலும் பல கட்சிகளை சேர்ந்தவர்கள் இணைய உள்ளதாகவும் நிர்வாகிகள் தெரிவித்தனர்.