“அந்த பதவி உங்களுக்கு தான்”… ஸ்டாலின் கொடுத்த ‘மெகா ஆஃபர்’.. ஓபிஎஸ் எடுத்த அதிரடி முடிவு…. கோட்டையில் நடக்கப்போகும் அந்த ‘ட்விஸ்ட்’…!

முன்னாள் முதல்வர் ஓ. பன்னீர்செல்வம் தற்போது தனது அரசியல் வாழ்க்கையின் மிக முக்கியமான கட்டத்தில் நிற்கிறார். அதிமுகவில் எடப்பாடி பழனிசாமியின் கை ஓங்கியதைத் தொடர்ந்து, அக்கட்சியில் இருந்து ஓரங்கட்டப்பட்ட ஓபிஎஸ், தனது அரசியல் எதிர்காலத்தைத் தக்கவைக்கப் பல்வேறு முயற்சிகளை மேற்கொண்டு வந்தார். ஒரு கட்டத்தில் தனித்துக் கட்சி தொடங்கும் எண்ணத்தில் இருந்த அவருக்கு, தனது ஆதரவாளர்கள் பலரும் திமுக மற்றும் அதிமுக பக்கம் தாவியதால் பெரும் பின்னடைவு ஏற்பட்டது. இதனால் மிகுந்த மன உளைச்சலில் இருந்த ஓபிஎஸ், தற்போது திமுகவின் ஆதரவைப் பெறுவது குறித்து தீவிரமாகச் சிந்தித்து வருகிறார்.

சமீபத்தில் தமிழக முதலமைச்சர் மு.க. ஸ்டாலினை ஓபிஎஸ் இரண்டு முறை ரகசியமாகச் சந்தித்துப் பேசியுள்ளதாகத் தகவல்கள் வெளியாகியுள்ளன. இந்தச் சந்திப்பின் போது, திமுகவில் ‘இணைப் பொதுச்செயலாளர்’ பதவி மற்றும் தனது ஆதரவாளர்களுக்குத் தேர்தலில் போட்டியிட 7 இடங்கள் என ஓபிஎஸ் பெரும் கோரிக்கைகளை முன்வைத்துள்ளார். இருப்பினும், திமுக தரப்பில் இதற்குச் சம்மதம் தெரிவிக்கப்படவில்லை. மாறாக, ஓபிஎஸ்ஸுக்கு அவரது தகுதிக்கேற்ப ‘சபாநாயகர்’ பதவி வழங்கப்படலாம் என்றும், அவருடன் சேர்த்து மொத்தம் 3 இடங்கள் மட்டுமே ஒதுக்கப்படும் என்றும் திமுக தரப்பில் இறுதி வாய்ப்பு (Final Offer) வழங்கப்பட்டுள்ளதாகத் தெரிகிறது.

திமுகவின் இந்தச் சலுகையை ஏற்றுக்கொள்வதா இல்லையா என்ற குழப்பத்தில் ஓபிஎஸ் இருந்தபோது, அரசியலில் மற்றொரு திருப்பமாகச் சசிகலாவின் தீவிரமான அரசியல் வருகை அமைந்துள்ளது. சசிகலா சமீபத்தில் நடத்திய பொதுக்கூட்டம் மற்றும் அவர் காட்டிய மக்கள் செல்வாக்கு ஓபிஎஸ்ஸை மீண்டும் யோசிக்க வைத்துள்ளது. சசிகலாவுடன் கைகோர்த்து அதிமுகவை மீட்கும் முயற்சியில் ஈடுபடுவதா அல்லது திமுக வழங்கிய கௌரவமான சபாநாயகர் பதவியை ஏற்றுக்கொண்டு அக்கட்சியில் ஐக்கியமாவதா என்ற இருமுனைப் போட்டியில் அவர் சிக்கியுள்ளார்.

தற்போதைய நிலையில், ஓபிஎஸ் எடுக்கப்போகும் முடிவு தமிழக அரசியலில் ஒரு பெரிய மாற்றத்தை ஏற்படுத்தும் என்பதில் சந்தேகமில்லை. ஒருபுறம் திமுகவின் அதிகாரப்பூர்வ பதவி, மறுபுறம் சசிகலாவுடன் இணைந்து அதிமுக உரிமைக்கானப் போராட்டம் என இரண்டு வெவ்வேறு பாதைகள் அவர் முன் உள்ளன. ஓபிஎஸ்ஸின் அடுத்தகட்ட நகர்வு என்னவாக இருக்கும் என்பதை அரசியல் விமர்சகர்களும், அவரது ஆதரவாளர்களும் மிகுந்த எதிர்பார்ப்புடன் கவனித்து வருகின்றனர். இன்னும் சில தினங்களில் இதற்கான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.