உலகமே கெஞ்சுகிறது… பிளீஸ்..! ஹார்முஸ் ஜலசந்தியை திறந்து விடுங்கள்” – ஈரானுக்கு 22 நாடுகளின் உருக்கமான வேண்டுகோள்..!!

அமெரிக்கா, இஸ்ரேல் மற்றும் ஈரான் இடையேயான போர் தீவிரமடைந்துள்ள நிலையில், 22 நாடுகள் இணைந்து ஈரானுக்கு முக்கிய வேண்டுகோள் விடுத்துள்ளன. ஈரான் தனது தாக்குதல்களை உடனடியாக நிறுத்த வேண்டும் என்றும், சர்வதேச வர்த்தகத்திற்கு மிக முக்கியமான ஹார்முஸ் ஜலசந்தியை (Strait of Hormuz) மீண்டும் திறக்க வேண்டும் என்றும் இந்த நாடுகள் வலியுறுத்தியுள்ளன. இந்தத் தடையால் உலகெங்கிலும் எரிபொருள் தட்டுப்பாடு மற்றும் விலை உயர்வு ஏற்படும் அபாயம் உள்ளதாக அவை எச்சரித்துள்ளன.

ஐக்கிய அரபு அமீரகம், பஹ்ரைன், பிரிட்டன், ஜெர்மனி, பிரான்ஸ், ஜப்பான், தென் கொரியா மற்றும் ஆஸ்திரேலியா உள்ளிட்ட நாடுகள் இந்த கூட்டறிக்கையில் கையெழுத்திட்டுள்ளன. வர்த்தகக் கப்பல்கள் மற்றும் எண்ணெய் சுத்திகரிப்பு நிலையங்கள் மீது ஈரான் நடத்தி வரும் தாக்குதல்களை இந்த நாடுகள் வன்மையாகக் கண்டித்துள்ளன. ஈரானின் இந்த நடவடிக்கைகள் உலகின் மிகவும் பாதிக்கப்படக்கூடிய விளிம்புநிலை மக்களைப் பாதிக்கும் என்றும் அவை சுட்டிக்காட்டியுள்ளன.

பிப்ரவரி 28 முதல் தொடங்கி நடைபெற்று வரும் இந்தப் போரினால், உலக கச்சா எண்ணெய் விநியோகத்தில் 20% கடந்து செல்லும் ஹார்முஸ் ஜலசந்தி முடங்கியுள்ளது. இந்த விவகாரத்தில் சர்வதேச சட்டங்கள் மதிக்கப்பட வேண்டும் என்றும், கடல்சார் பயண சுதந்திரம் உறுதி செய்யப்பட வேண்டும் என்றும் 22 நாடுகளும் ஈரானிடம் கோரியுள்ளன. தற்போது நிலவும் பதற்றத்தைத் தணித்து, பேச்சுவார்த்தை மூலம் தீர்வு காணவும் உலக நாடுகள் வலியுறுத்தி வருகின்றன.