தமிழ் தெரிந்திருந்தால் போதும்…! மாதம் ரூ.50,000 சம்பளத்தில் சூப்பரான வேலை…. மிஸ் பண்ணாம உடனே அப்ளை பண்ணுங்க…!!

தமிழ்நாடு அரசின் அறநிலையத்துறை கட்டுப்பாட்டில் உள்ள சென்னை பரங்கிமலையில் இருக்கும் காசி விஸ்வநாதர் திருக்கோயிலில் காலியாக உள்ள பணியிடங்களை நிரப்புவதற்கான அறிவிப்பு வெளியிடப்பட்டுள்ளது.

இந்த அறிவிப்பின்படி, எழுத்தர் பணிக்கு ஒரு இடமும், காவலர் பணிக்கு ஒரு இடமும் என மொத்தம் 2 காலியிடங்கள் நிரப்பப்பட உள்ளன. எழுத்தர் பணிக்கு 10ஆம் வகுப்பு தேர்ச்சி அல்லது அதற்கு இணையான கல்வித் தகுதி அவசியம். காவலர் பணிக்குத் தமிழில் எழுதவும் படிக்கவும் தெரிந்திருக்க வேண்டும்.

விண்ணப்பதாரர்கள் 01.07.2025 அன்று 18 வயது பூர்த்தி அடைந்தவராகவும், 45 வயதுக்குட்பட்டவராகவும் இருக்க வேண்டும். எழுத்தர் பணிக்கு மாதம் ரூ.15,700 முதல் ரூ.50,000 வரையிலும், காவலர் பணிக்கு ரூ.11,600 முதல் ரூ.36,800 வரையிலும் சம்பளம் நிர்ணயிக்கப்பட்டுள்ளது.

விண்ணப்பிக்க விரும்புவோர் tnhrce.gov.in என்ற இணையதளத்தில் உள்ள விண்ணப்ப படிவத்தைப் பதிவிறக்கம் செய்து, உரிய சான்றிதழ்களின் நகல்களுடன் இணைத்து, துணை ஆணையர்/செயல் அலுவலர், அருள்மிகு வடபழனி ஆண்டவர் திருக்கோயில், வடபழனி, சென்னை – 600 025 என்ற முகவரிக்குத் தபால் மூலம் அனுப்ப வேண்டும். பூர்த்தி செய்யப்பட்ட விண்ணப்பங்களைச் சமர்ப்பிக்கக் கடைசி நாள் 2026 ஜனவரி 9ஆம் தேதி மாலை 5.45 மணி ஆகும்.