ஆசை ஆசையாய் சிக்கன் வாங்கி கொடுத்த கணவர்.. சாப்பிட மறுத்த மனைவி.. திருமணமான ஒரே மாதத்தில் புது மாப்பிள்ளை விபரீத முடிவு..!

தஞ்சாவூர் மாவட்டம் கும்பகோணம் தாலுகா சாக்கோட்டை புதுப்பிள்ளையார் கோவில் தெருவில் வசித்து வரும் மணிகண்டன் (29) என்பவர் பர்னிச்சர் கடையில் வேலை செய்து வந்துள்ளார். அப்போது தன்னுடன் வேலை செய்து வந்த சுபலட்சுமி (25) என்ற பெண்ணை அவர் காதலித்து வந்த நிலையில் கடந்த ஒரு மாதத்திற்கு முன்பு பெற்றோர் எதிர்ப்பை மீறி இருவரும் திருமணம் செய்து கொண்டனர். இரு வீட்டிலும் இவர்களின் திருமணத்திற்கு எதிர்ப்பு இருந்ததால் திருப்பூர் மாவட்டம் வெள்ளகோவில் குட்ட காட்டு புதூரில் உள்ள சுபலட்சுமி யின் சகோதரி மேனகா வீட்டில் வசித்து வந்தனர். இப்படியான நிலையில் மேனகா அவருடைய கணவர் இருவரும் ஒரு கோவில் விசேஷத்திற்காக திருச்சி சென்று விட்டார்.

வீட்டில் இருந்த மணிகண்டன் கடையில் சிக்கன் வாங்கி வந்து தன்னுடைய மனைவியை சாப்பிட கூறியுள்ளார். அவர் தனது சகோதரி கோவிலுக்கு சென்று விட்டதால் வீட்டில் சிக்கன் சாப்பிட மறுத்துள்ளார். இதனால் ஆத்திரமடைந்த மணிகண்டன் வீட்டின் விட்டத்தில் உள்ள இரும்பு கம்பியில் சேலையால் தூக்கிட்டு தற்கொலை செய்து கொண்டார். இது குறித்து தகவல் அறிந்து சம்பவ இடத்திற்கு விரைந்த போலீசார் மணிகண்டன் உடலை மீட்டு விசாரணை நடத்தி வருகிறார்கள். காதல் மனைவி சிக்கன் சாப்பிட மறுத்ததால் புது மாப்பிள்ளை தூக்கிட்டு தற்கொலை செய்து கொண்ட சம்பவம் அதிர்ச்சியையும் பரபரப்பையும் ஏற்படுத்தியுள்ளது.