டிரைவர்களுக்கு ‛செக்’ வைத்த அரசு…! பஸ்ஸில் அமலுக்கு வந்த புது ரூல்ஸ்… என்ன தெரியுமா….?

தமிழக அரசுப் பேருந்துகளில் அதிகரித்து வரும் விபத்துகளைத் தடுக்கவும், பயணிகளின் பாதுகாப்பை உறுதி செய்யவும் போக்குவரத்துத் துறை புதிய கட்டுப்பாடுகளை விதித்துள்ளது. அதன்படி, பேருந்தை இயக்கும்போது ஓட்டுநர்கள் எக்காரணம் கொண்டும் செல்போன் பயன்படுத்தக் கூடாது என்று உத்தரவிடப்பட்டுள்ளது.

ஒரு கையில் செல்போன் பேசிக்கொண்டு பேருந்தை ஓட்டுவதால் ஏற்படும் கவனச்சிதறலே பல உயிரிழப்புகளுக்குக் காரணமாக அமைவதை ஆய்வு முடிவுகள் சுட்டிக்காட்டுகின்றன. விதியை மீறும் ஓட்டுநர்கள் மீது 29 நாட்கள் கட்டாயப் பணியிடை நீக்கம் போன்ற கடுமையான ஒழுங்கு நடவடிக்கைகள் எடுக்கப்படும் என்றும் எச்சரிக்கை விடுக்கப்பட்டுள்ளது.

இந்த நடைமுறையை உறுதிப்படுத்த, மாநகரப் போக்குவரத்துக் கழகம் ஒரு அதிரடி மாற்றத்தைக் கொண்டு வந்துள்ளது. இனி ஓட்டுநர்கள் பணிக்குத் திரும்பியவுடன் தங்களது செல்போன்களை சக நடத்துநரிடம்  ஒப்படைக்க வேண்டும். பணி நேரம் முடியும் வரை செல்போன் நடத்துநரிடமே இருக்க வேண்டும்;

அதன் பிறகே ஓட்டுநர்கள் அதனைப் பெற்றுச் செல்ல முடியும். பேருந்துகளில் உள்ள சிசிடிவி கேமராக்கள் மற்றும் பறக்கும் படை அதிகாரிகள் மூலம் இந்த விதிகள் தீவிரமாகத் கண்காணிக்கப்படும். விபத்து இல்லாத பயணத்தை உறுதி செய்ய அரசு மேற்கொண்டுள்ள இந்த அதிரடி மாற்றத்திற்குப் பயணிகள் மத்தியில் பெரும் வரவேற்பு கிடைத்துள்ளது.