கன்னத்துக்காக தனியாக பிளாஸ்டிக் சர்ஜரி செய்தாரா நயன்தாரா?… பல வருடங்களுக்குப் பிறகு அவரே அளித்த பதில்!

லேடி சூப்பர் ஸ்டார் என ரசிகர்களால் அன்புடன் அழைக்கப்படுபவர் நயன்தாரா. 20 வருடங்களாக தொடர்ந்து சினிமாவில் இருந்து வரும் இவர் முன்னணி நடிகர்களான ரஜினிகாந்த், விஜய், அஜித் உள்ளிட்டவருடன் இணைந்து பல சூப்பர் ஹிட் படங்களில் நடித்துள்ளார்.

தமிழ் சினிமாவில் நயன்தாராவின் சினிமா கேரியரை இரண்டாகப் பிரிக்கலாம். சிம்பு மற்றும் பிரபுதேவா ஆகியோருடனான காதலுக்குப் பிறகு சினிமா வேண்டாம் என மும்பையில் தங்கியிருந்த அவருக்கு ராஜா ராணி படம் கம்பேக்காக அமைந்தது. அதன் பின்னர் பல வெற்றிப் படங்களில் நடித்த அவர் மாயா மற்றும் அறம் ஆகிய படங்களின் மூலம் தனக்கென ஒரு மார்க்கெட்டை உருவாக்கிக் கொண்டு லேடி சூப்பர் ஸ்டார் ஆனார்.

சில ஆண்டுகளுக்கு முன்னர்  இயக்குனர் விக்னேஷ் சிவனை நயன்தாரா காதலித்து திருமணம் செய்து கொண்டார். இந்த தம்பதியினருக்கு இரட்டை ஆண் குழந்தைகள் இருக்கின்றனர். நயன்தாரா படங்களில் பிஸியாக நடித்துக் கொண்டிருக்கிறார். ஆனால் அவரின் சமீபத்தைய படங்கள் எதுவும் பெரிய வெற்றியைப் பெறவில்லை. இதனால் ஒரு ஹிட் படத்துக்காகக் காத்திருக்கிறார்.

இந்நிலையில் அவர் சமீபத்தில் ஒரு அழகு சாதனப் பொருள் நிறுவனத்தைத் தொடங்கியுள்ளார். அதன் ப்ரமோஷன் நிகழ்ச்சியில் கலந்துகொண்டு பேசிய நயன்தாரா தான் பிளாஸ்டிக் சர்ஜரி செய்து கொண்டேனா என்பது குறித்து பேசியுள்ளார்.

அதில் “நான் வெளி நிகழ்ச்சிகளுக்கு செல்லும்போது என் கண் புருவங்களை திருத்திக் கொள்வேன். அதற்காக அதிக நேரத்தை செலவிடுவேன். அதுதான் என் முகத்தில் மிகப்பெரிய மாற்றம் தெரிந்திருக்கலாம். மற்றபடி நான் என் கன்னத்தில் பிளாஸ்டிக் சர்ஜரி எல்லாம் செய்துகொள்ளவில்லை. பலவகை டயட்கள் மூலமாக நான் என்னுடைய கன்னத்தின் அமைப்பை மாற்றியிருக்கிறேன். வேண்டுமானால் நீங்கள் என் கன்னத்தை கிள்ளிப் பார்த்துக் கொள்ளலாம்” எனக் கூறியுள்ளார்.