இனிதான் ஆட்டமே… தவெகவில் இணைந்தவுடன்.. விஜய் போட்ட அதிரடி உத்தரவு…!

திராவிட இயக்க பேச்சாளர் நாஞ்சில் சம்பத் தமிழக வெற்றி கழகம் கட்சியில் நேற்று இணைந்தார். அண்மை காலமாக திமுக மீது அதிருப்தியில் இருந்த அவர் தற்போது விஜய் கட்சியில் இணைந்துள்ளது அரசியலில் புதிய பரபரப்பை கிளப்பியுள்ளது. செங்கோட்டையனை தொடர்ந்து நாஞ்சில் சம்பத்தும் தமிழக வெற்றி கழகம் கட்சியில் இணைந்து இருப்பது கட்சிக்கு கூடுதல் பலமாக அமையும் என்று அரசியல் விமர்சகர்கள் தெரிவிக்கின்றன. மதிமுக, திமுக மற்றும் அதிமுக உள்ளிட்ட பல கட்சிகளில் நாஞ்சில் சம்பத் பயணித்துள்ளார். தற்போது அவர் விஜய் கட்சியில் இணைந்துள்ளது புதிய திருப்பத்தை ஏற்படுத்தியுள்ளது.

இப்படியான நிலையில் நேற்று தமிழக வெற்றிக்கழகம் கட்சியில் இணைந்த நாஞ்சில் சம்பத்தை தமிழக முழுவதும் பிரச்சாரம் செய்ய விஜய் அறிவுறுத்தியுள்ளார். இதனைத் தொடர்ந்து நாஞ்சில் சம்பத் பங்கேற்கும் வகையில் மாவட்ட அளவிலான பொதுக்கூட்டங்களை நடத்த தமிழக வெற்றிக்கழக மாவட்ட செயலாளர்கள் முடிவு எடுத்து இருப்பதாக கூறப்படுகிறது. பொதுக் கூட்டங்களில் தமிழக வெற்றி கழகம் கொள்கை, விஜய் வெற்றி பெற்றால் மக்களுக்கு என்னென்ன செய்வார் மற்றும் திமுக ஆட்சியில் உள்ள குறைபாடுகள் குறித்து நாஞ்சில் சம்பத் பேச உள்ளார் என தெரிகிறது.