“என் மகளுக்கு விஷம் வச்சிட்டாங்க…” மாணவி இறப்பில் நீடிக்கும் மர்மம்…. மகளிர் விடுதியில் நடந்த அநியாயம்….? தந்தையின் பரபரப்பு புகார்…!!

தெலங்கானா மாநிலம் மகபூப்நகர் மாவட்டம் கொவ்குண்ட்லா மண்டலத்தைச் சேர்ந்த ராமஞ்சநேயுலு என்பவரின் 18 வயது மகள் கல்பனா, ஹைதராபாத் ஷேக் பேட் பகுதியில் உள்ள மகளிர் விடுதியில் தங்கி அங்குள்ள கல்லூரியில் பி.டெக் முதலாண்டு படித்து வந்தார். இந்நிலையில், கல்பனா விடுதி அறையில் தூக்கிட்டுத் தற்கொலை செய்து கொண்டதாகக் கூறப்படுகிறது.

ஆனால், விடுதியில் வழங்கப்பட்ட மோசமான உணவின் தரம் குறித்துத் தனது மகள் கேள்வி கேட்டதால், விடுதி நிர்வாகத்தினர் அவருக்கு உணவில் விஷம் வைத்துக் கொடுத்ததாகவும், அதனால் ஏற்பட்ட மன அழுத்தத்தில் அவர் உயிரிழந்ததாகவும் அவரது தந்தை காவல் நிலையத்தில் பரபரப்புப் புகார் அளித்துள்ளார். இச்சம்பவம் குறித்து காவல்துறையினர் வழக்குப்பதிவு செய்து மர்ம மரணம் என்ற கோணத்தில் தீவிர விசாரணை நடத்தி வருகின்றனர்.