வேற வழி இல்லாம அனிருத் பாட்டு ஹிட் ஆகுது.. ஒரே போடாய் போட்ட ஜேம்ஸ் வசந்தன்..!

தமிழ் சினிமாவில் முன்னணி இசையமைப்பாளர்களின் ஒருவர்தான் இசையமைப்பாளர் அனிருத். சமீபத்தில் வெளியான லியோ, விக்ரம், ஜெயிலர், வேட்டையன் மற்றும் ஜவான் என அனைத்து வெற்றி படங்களிலும் அனிருத் முக்கிய ஒருவராக இருந்துள்ளார். அவருடைய பாடல்கள் மற்றும் பின்னணி இசை படத்திற்கு பலம் சேர்த்தது. தமிழ் மட்டுமல்லாமல் தெலுங்கு மற்றும் ஹிந்தி என அனைத்து மொழிகளிலும் உள்ள சூப்பர் ஸ்டார் படங்களுக்கு அனிருத் தான் இசையமைத்து வருகின்றார். அனிருத் இசையில் வரும் பாடல்கள் படங்களுக்கு கூடுதல் பலம் சேர்க்கின்றன. அனிருத் 2011 ஆம் ஆண்டு வெளியான வை திஸ் கொலவெறி பாடல் மூலம் தான் ரசிகர்கள் மத்தியில் பிரபலமானார். பிறகு 2014 ஆம் ஆண்டு விஜய் நடித்த கத்தி திரைப்படத்திற்கு இசையமைத்து புகழ்பெற்றார்.

அனிருத் இதுவரை இரண்டு பிலிம் பேர் விருதுகள், 9 சைமா விருதுகள் மற்றும் ஆறு எடிசன் விருதுகள் ஆகியவற்றை பெற்றுள்ளார். அதே சமயம் உலகம் முழுவதும் இசை நிகழ்ச்சிகளையும் நடத்தி வருகின்றார். தற்போது ஒரு படத்திற்கு இசையமைக்க அனிருத் பத்து கோடி ரூபாய் சம்பளம் வாங்குவதாக கூறப்படுகிறது. ஆனால் தமிழ் சினிமாவின் இசை ஜாம்பவான் ஆஸ்கார் விருது பெற்ற ஏ ஆர் ரகுமான் ஒரு படத்திற்கு எட்டு கோடி சம்பளம் வாங்குகிறார். இந்த நிலையில் அனிருத் பற்றி இசையமைப்பாளர் ஜேம்ஸ் வசந்த் ஒரு தகவலை பகிர்ந்துள்ளார்.

அதாவது, அனிருத் இசை ஏ ஆர் ரகுமானுக்கு சேலஞ்சிங்காக இல்லை என்பது நான் முடிவு பண்றது இல்லை. ரசிகர்களாகிய 8 கோடி மக்கள் தீர்மானிப்பது தான் அந்த முடிவு. இப்போ வேற வழி இல்லாம அனிருத் ஓட பாட்டு எல்லாமே ஹிட் ஆகுது. பெரிய ப்ரொடியூசர், சங்கர் சார் மாதிரி பிரம்மாண்டப்பட இயக்குனரும் அனிருத் கிட்ட போறாங்க. இருந்தாலும் உலக அளவில் நம்பர் ஒன் மியூசிக் டைரக்டர் யார் என்றால் அது ஏ ஆர் ரகுமான் மட்டும்தான். அனிருத் பாடல்கள் இந்தி மற்றும் தெலுங்கு சினிமாவில் அந்த அளவுக்கு ரீச் ஆகல. சர்வதேச அளவில் இப்ப வரைக்கும் ஏ ஆர் ரகுமான் பாடல்கள் மட்டும் தான் ரீச் ஆகியுள்ளது. அந்த இடத்தை எப்பவுமே யாரும் தொட முடியாது என்று ஜேம்ஸ் வசந்தன் கூறியுள்ளார்