நான் பண்ணுன ஒரு விஷயத்தால் என்கிட்ட பேசவே பிடிக்கலைனு சொன்னாரு SPB… மனம் திறந்த தேவா..!

தேவா என்று அழைக்கப்படும் தேவனேசன் சொக்கலிங்கம் தென்னிந்திய திரைப்பட இசையமைப்பாளர் மற்றும் பாடகர் ஆவார். சிறுவயதிலிருந்தே இசையால் ஈர்க்கப்பட்ட தேவா சந்திரபோஸ் உடன் இணைந்து பல இசை நிகழ்ச்சிகளை நடத்தினார். பின்னர் கிளாசிக்கல் ம்யூக்சிகை கற்க தொடங்கிய தேவா, லண்டனில் உள்ள டிரினிட்டி காலேஜ் ஆப் மியூசிக்கில் இசை படிப்பை முடித்தார். தேவா தமிழ், கன்னடம், தெலுங்கு, மலையாளம் ஆகிய மொழி படங்களுக்கு இசையமைத்துள்ளார். கிட்டத்தட்ட 400 க்கும் மேற்பட்ட படங்களுக்கு இசையமைத்துள்ளார் தேவா. ஆரம்பத்தில் தேவா அவர்கள் தூர்தர்ஷன் மற்றும் பொதிகை சேனலில் சில காலம் பணிபுரிந்தார்.

வயலும் வாழ்வும் நிகழ்ச்சிக்கு பாடல்களை இயற்றினார். சில நிகழ்ச்சிகளுக்கு இசையமைத்தார். அதன் மூலம் சினிமா வாய்ப்பினை பெற்ற தேவா 1989 ஆம் ஆண்டு ‘மனசுக்கு ஏத்த மகராசா’ திரைப்படத்தில் மூலம் இசையமைப்பாளராக சினிமாவில் அறிமுகமானார். அடுத்ததாக ‘வைகாசி பொறந்தாச்சு’ திரைப்படத்திற்கு இசையமைத்தார். இந்த படம் நல்ல விமர்சனங்களைப் பெற்று வெற்றி அடைந்ததால் தேவா அனைவரின் கவனத்தை ஈர்த்தார். அவருக்கு ‘தேனிசைத் தென்றல் தேவா’ என்ற பெயரும் கிடைத்தது.

90களில் உச்சத்தில் இருந்த தேவா இசையமைத்த ‘அண்ணாமலை’, ‘பாட்ஷா’, ‘ஆசை’, ‘காதல் கோட்டை’, ‘நேருக்கு நேர்’, ‘நினைத்தேன் வந்தாய்’, ‘வாலி’, ‘குஷி’ ஆகிய படங்கள் மெகா ஹிட் ஆனது. கானா பாடல் கலாச்சாரத்தை ஆரம்பித்த பெருமை தேவா அவர்களையே சேரும். அதிலிருந்து ‘கானா பாடல் தேவா’ என்ற பெயராலும் அழைக்கப்பட்டார்.

இந்நிலையில் பேட்டி ஒன்றில் பேசிய இசையமைப்பபாளர் தேவா, sp பாலசுப்பிரமணியம் என்னிடம் ஒருநாள் அண்ணாமலை படத்துல எல்லா பட்டையும் என்னை பாட வச்ச. ஆனா “ஒரு பெண் புறா” அந்த பாடலை மட்டும் ஏன் என்னை பாட வைக்கல. உன்கிட்ட பேசவே எனக்கு புடிக்கல அப்படினு விளையாட்டுக்கு சொன்னாரு. அந்த பாட்டை நான் தாஸ் வச்சி பாட வைத்தேன். இவரு இப்படி கேட்டதால் அதுக்கப்புறம் கன்னடத்துல அதே பாடலை SPB யை வைத்து பாட வைத்தேன் என்று கூறியுள்ளார்.