சென்னை எண்ணூர், இந்திரா நகரைச் சேர்ந்த 35 வயதுடைய ரபீக் என்பவர், கடந்த மே 24, 2004 அன்று தன் வீட்டில் நண்பர் தாஜிதீன் என்பவருடன் மது அருந்தியுள்ளார். அப்போது, தாஜிதீன் ரபீக்கின் மனைவி ரசூல் பீபி குறித்து தவறாகப் பேசியதால் ஆத்திரமடைந்த ரபீக், தாஜிதீனைக் கழுத்தை அறுத்துக் கொலை செய்துவிட்டு அங்கிருந்து தப்பித்துச் சென்றார்.
இந்தக் கொலை வழக்கில், ரபீக் குறித்து 21 ஆண்டுகளாக எந்தத் தகவலும் கிடைக்காமல் இருந்த நிலையில், உயர் அதிகாரிகளின் உத்தரவின் பேரில் தனிப்படையினர் விசாரணையைத் தொடங்கினர். ரபீக்கின் உண்மையான பெயர் ராஜேந்திரன் என்றும், அவரது தந்தை பெயர் பரமசிவன் என்றும், பூர்வீகம் கடலூர் ஆக்கனூர் பகுதி என்றும் வாக்காளர் பட்டியல் (SIR – சிறப்புத் தீவிர திருத்தப் பதிவு) விவரங்கள் மூலம் தெரியவந்தது.
இதையடுத்து, தனிப்படையினர் சாதாரண உடையில் சென்று, SIR படிவத்திற்கான விவரங்களைக் கேட்பது போல விசாரணை நடத்தி, புகைப்படம் மூலம் குற்றவாளியை அடையாளம் கண்டனர். கொலைக்குப் பிறகு ரபீக் மதம் மாறி, நிரந்தரமாக ஓரிடத்தில் தங்காமல், அரியலூர், சேலம், பெங்களூரு உள்ளிட்ட பல்வேறு இடங்களில் கடைகளில் சாம்பிராணி புகைபோட்டுப் பிழைப்பு நடத்தி வந்ததும், இரவு நேரங்களில் பேருந்து நிலையங்களில் தங்கியதும் தெரியவந்தது.
இறுதியாக, பெங்களூருவின் மாண்டிவாளா சந்தைப் பகுதியில் 57 வயதான ரபீக்கை தனிப்படையினர் கைது செய்தனர். 21 ஆண்டுகளுக்குப் பின் கொலைக் குற்றவாளியைக் கைது செய்த எண்ணூர் தனிப்படை போலீசாரை உயரதிகாரிகள் பாராட்டினர்.
ஈரோட்டில் குடிபோதையில் ஏற்பட்ட தகராறில் பெற்ற தந்தையின் தலையைப் பிடித்துத் தரையில் பலமாக மோதிக் கொன்ற மகனை போலீசார் கைது…
தூத்துக்குடி மாவட்டம் கோவில்பட்டி அருகே கிராம மக்களைத் தரையில் அமர வைத்து, கையில் லத்தியுடன் போலீஸ் இன்ஸ்பெக்டர் விசாரணை நடத்தும்…
சென்னையில் மழைநீர் வடிகால் பணிக்காகத் தோண்டப்பட்டு எந்தவிதமான தடுப்புகளும் எச்சரிக்கைப் பலகைகளும் இன்றித் திறந்த கிடந்த பள்ளத்தில் இருசக்கர வாகனத்துடன்…
தவெக அரசைக் கவிழ்க்க எதிர்க்கட்சிகள் எத்தகைய சதித் திட்டங்களைத் தீட்டினாலும், நம்பிக்கையில்லா தீர்மானம் போன்ற எத்தகைய நடவடிக்கையையும் எதிர்கொள்ளக் கட்சி…
தெலங்கானா மாநிலத்தில் கள்ளக்காதல் விவகாரத்தைப் பார்த்துவிட்டதாகக் கூறி 10-ஆம் வகுப்பு மாணவனுக்குக் குளிர்பானத்தில் பூச்சி மருந்து கலந்து கொடுத்துக் கொடூரமாகக்…
பெங்களூரில் கள்ளக்காதலுக்குத் தடையாக இருந்த தனது சொந்த மகனைக் காதலனுடன் சேர்ந்து குளிர்பானத்தில் தூக்க மாத்திரை கொடுத்துத் துணிச்சலாகக் கழுத்தை…