தாத்தாவான எம்.எஸ் பாஸ்கர்.. சர்ப்ரைஸ் கொடுத்து மருமகளை வரவேற்ற தாய்மாமன்.. வைரலாகும் வீடியோ..!

தமிழ் சினிமாவில் பல திரைப்படங்களில் குணச்சித்திர வேடங்களில் நடித்து ரசிகர்களை கவர்ந்தவர் தான் நடிகர் எம் எஸ் பாஸ்கர். கலைத்துறையில் ஒரு டப்பிங் கலைஞராக தன்னுடைய பயணத்தை தொடங்கினார். இதனைத் தொடர்ந்து கங்கா யமுனா சரஸ்வதி, மாயாவி மாரிச்சன் ஆகிய தொலைக்காட்சிகளில் முக்கிய கதாபாத்திரத்தில் நடித்திருந்தார். சன் டிவியில் ஒளிபரப்பான சின்ன பாப்பா பெரிய பாப்பா என்ற நகைச்சுவை தொடர் இவருக்கு நல்ல பெயரையும் பெற்று தந்தது. அதனைத் தொடர்ந்து சினிமாவில் அறிமுகமான அவர் கஜேந்திரா, போஸ், திருப்பாச்சி, கிரீடம் மற்றும் வரலாறு என அடுத்தடுத்த திரைப்படங்களில் நடித்தார்.

சந்தோஷ் சுப்பிரமணியம் மற்றும் தசாவதாரம் ஆகிய திரைப்படங்களில் சிறப்பான நடிப்பை வெளிப்படுத்தி சிறந்த குணசித்திர நடிகருக்கான தமிழ்நாடு மாநில திரைப்பட விருதையும் பெற்றார். இப்படி சினிமாவில் பிஸியாக இருக்கும் எம் எஸ் பாஸ்கர் ஷீலா என்பவரை திருமணம் செய்து கொண்ட நிலையில் இவர்களுக்கு ஆதித்யா பாஸ்கர் என்ற மகனும் ஐஸ்வர்யா பாஸ்கர் என்ற மகளும் உள்ளனர். எம் எஸ் பாஸ்கரின் மகள் ஐஸ்வர்யா பாஸ்கர் சுதாகர் என்பவரை காதலித்து திருமணம் செய்து கொண்டார்.

பள்ளி நண்பரான சுதாகரை நீண்ட காலமாக காதலித்து வந்த நிலையில் பெற்றோர் சம்மதத்துடன் இருவரும் திருமணம் செய்து கொண்டனர். இதனைத் தொடர்ந்து கர்ப்பமாக இருந்த ஐஸ்வர்யாவுக்கு தீபாவளி பண்டிகை நாளன்று அழகான பெண் குழந்தை பிறந்துள்ளது. அந்தச் செய்தியை ஐஸ்வர்யா பாஸ்கர் புகைப்படத்துடன் இன்ஸ்டாகிராமில் பதிவிட்டிருந்த நிலையில் தாத்தாவாகிய எம்எஸ் பாஸ்கருக்கு ரசிகர்கள் பலரும் வாழ்த்து தெரிவித்தனர்.

இந்த நிலையில் வீட்டிற்கு வந்த மகாலட்சுமியை எம்எஸ் பாஸ்கரின் மகனும் ஐஸ்வர்யா பாஸ்கரின் அண்ணனும் ஆன ஆதித்யா பாஸ்கர் பட்டாசு வெடித்து கொண்டாடி சர்ப்ரைஸ் கொடுத்து வரவேற்றுள்ளார். அது தொடர்பான வீடியோ தற்போது இணையத்தில் வைரலாகி வருகிறது.