“என் கையில ஆதாரம் இருக்கு… உதயநிதி வீட்டில் இருந்து கால் பண்ணாங்க”… தவெக எம்.எல்.ஏ கனிமொழி வெளியிட்ட பகீர் தகவல்….!

திமுக தொடக்கம் முதலே பெரியாரின் கடவுள் மறுப்பு மற்றும் பகுத்தறிவு கொள்கைகளைத் தனது அடிப்படை சித்தாந்தமாகக் கொண்டு செயல்பட்டு வருகிறது. இருப்பினும், அக்கட்சியின் உயர்மட்டத் தலைவர்கள் மற்றும் அவர்களின் குடும்பத்தினர் மத்தியில் ஆன்மீக நம்பிக்கைகளும் வழிபாட்டு முறைகளும் நீடித்து வருவது தொடர்ச்சியாக விவாதங்களை எழுப்பி வருகிறது. குறிப்பாக, திமுக தலைவர் மு.க.ஸ்டாலின் அவர்களின் மனைவி துர்கா ஸ்டாலின் தமிழ்நாட்டிலுள்ள பல்வேறு புகழ்பெற்ற திருக்கோயில்களுக்குச் சென்று சிறப்பு வழிபாடுகள் நடத்தி வருவது அரசியல் களத்தில் அடிக்கடி விமர்சனப் பொருளாக மாறியுள்ளது.

இந்நிலையில், தமிழக வெற்றிக் கழகத்தின் கவுண்டம்பாளையம் தொகுதி சட்டமன்ற உறுப்பினர் கனிமொழி அண்மையில் நடைபெற்ற நிகழ்ச்சி ஒன்றில் பேசிய பேச்சு அரசியல் வட்டாரத்தில் பெரும் பரபரப்பை ஏற்படுத்தியுள்ளது. அடிப்படையில் ஜோதிடரான இவர், எதிர்க்கட்சித் தலைவரின் குடும்பத்தைச் சேர்ந்தவர்கள் தன்னிடம் ஜாதகம் மற்றும் ஜோசியம் பார்க்க அணுகியதாக பகிரங்கமாகக் குற்றம் சாட்டியுள்ளார். “ஜெயிப்போமா, இல்லையா என்று எங்களிடம் ஜோசியம் கேட்கிறீர்கள்; நீங்கள் நாத்திகவாதிகள் என்றும் ஜோதிடத்தை நம்பமாட்டோம் என்றும் கூறுகிறீர்கள். நாட்டின் மக்களைத் திருத்துவதற்கு முன்பாக, முதலில் உங்கள் வீட்டில் உள்ளவர்களைத் திருத்துங்கள்” என அவர் காரசாரமாகப் பேசியுள்ளார்.

மேலும் தனது பேச்சில், இந்த உரையாடல்களுக்கான போதிய ஆதாரங்கள் தன்னிடம் இருப்பதாகக் கூறிய எம்.எல்.ஏ கனிமொழி, எதிர்க்கட்சியினரின் விமர்சனங்களுக்கும் காட்டமாக பதிலளித்துள்ளார். “மக்களின் வரிப்பணத்தில் நான் 26 கார்களை வாங்கி வைத்திருக்கிறேனா? பேசாமல் இருந்தால் என்னை அழகான பொம்மை என்கிறார்கள், ஆனால் இது ஆபத்தான பொம்மையும் கூட. தூரத்திலிருந்தே பேசிக் கொள்ளுங்கள்” என்றும் அவர் எச்சரிக்கும் தொனியில் குறிப்பிட்டுள்ளார்.

தேர்தலுக்கு முன்பாகவே, ஜோதிடராக இருக்கும் கனிமொழிக்கு சட்டமன்றத் தேர்தலில் போட்டியிட வாய்ப்பு வழங்கப்பட்டதற்குப் பல்வேறு தரப்பிலிருந்தும் விமர்சனங்கள் எழுந்தன. இருப்பினும், தேர்தலில் வெற்றி பெற்று எம்.எல்.ஏ-வாக உருவெடுத்த அவர், தற்போது ஆளுங்கட்சித் தலைவரின் குடும்பத்தினர் தன்னிடம் ஜாதகம் பார்க்க அணுகியதாகக் கூறியிருப்பது திமுகவின் கொள்கை நிலைப்பாட்டிற்கு மேலும் ஒரு பின்னடைவாகவும், பெரும் காரசாரமான அரசியல் விவாதமாகவும் உருவெடுத்துள்ளது.