BREAKING: நாளை(ஜூலை..8) முதல் அமல்…. மக்களுக்கு அடுத்த ஷாக்…. பால் விலை லிட்டருக்கு ரூ.4 உயர்வு…. திடீர் அறிவிப்பு….!

இந்தியா முழுவதும் வரலாறு காணாத அளவில் பால் உற்பத்தி கடுமையாகப் பாதிப்படைந்துள்ளது. இதனால், தனியார் பால் நிறுவனங்கள் தங்களது வணிகத்தைத் தக்கவைத்துக்கொள்வதற்காக, பால் உற்பத்தியாளர்களிடமிருந்து போட்டி போட்டுக்கொண்டு கூடுதல் விலைக்கு பாலைக் கொள்முதல் செய்து வருகின்றன. இந்த கூடுதல் செலவினத்தையும், தங்களுக்கு ஏற்படும் இழப்பையும் சரிகட்டும் நோக்கில், தனியார் நிறுவனங்கள் பால் மற்றும் தயிர் விலையை மீண்டும் உயர்த்த முடிவு செய்துள்ளன. ஏற்கனவே கடந்த பிப்ரவரி மாத இறுதியில் லிட்டருக்கு 2 ரூபாய் உயர்த்தப்பட்ட நிலையில், தற்போது இரண்டாவது முறையாக முன்னணி நிறுவனமான ‘ஆரோக்யா’ நாளை (9-ஆம் தேதி) முதல் பால் மற்றும் தயிர் விலையை லிட்டருக்கு 4 ரூபாய் வரை உயர்த்துவதாக அதிரடியாக அறிவித்துள்ளது.

இந்த புதிய விலை உயர்வின்படி, பொதுமக்களின் அன்றாடத் தேவையான 500 மில்லி சமன்படுத்தப்பட்ட பால் ரூ.29-ல் இருந்து ரூ.31 ஆகவும், நிலைப்படுத்தப்பட்ட பால் ரூ.35-ல் இருந்து ரூ.37 ஆகவும், கொழுப்புச் சத்து செரிவூட்டப்பட்ட பால் ரூ.39-ல் இருந்து ரூ.41 ஆகவும் அதிகரிக்க உள்ளது. அதேபோல், 1 லிட்டர் பாக்கெட்டுகளின் விலையும் முறையே ரூ.54, ரூ.66 மற்றும் ரூ.73-ல் இருந்து, முறையே ரூ.57, ரூ.69 மற்றும் ரூ.76 ஆக உயர்கிறது. பாலின் விலை மட்டுமின்றி, தயிர் விலையும் உயர்த்தப்பட்டு 500 கிராம் ஹட்சன் தயிர் ரூ.44 ஆகவும், ஆரோக்யா தயிர் ரூ.42 ஆகவும் விற்பனை செய்யப்பட உள்ளது. அடுத்தடுத்து தங்களின் அத்தியாவசியத் தேவையான பால் மற்றும் தயிரின் விலை கணிசமாக உயருவது நடுத்தர மற்றும் ஏழை எளிய குடும்பங்களின் மாதாந்திர பட்ஜெட்டைப் பெரிதும் பாதிக்கும் என்பதால் பொதுமக்கள் பெரும் கவலையடைந்துள்ளனர்.