MGR இன் படத்திற்கு அரசியலுக்கும் சினிமாவிற்கும் ஏற்ற தலைப்பு வைத்த கதாசிரியர்… மனமகிழ்ந்து புரட்சி தலைவர் கொடுத்த பரிசு…

தமிழ் சினிமாவிலும் தமிழ்நாட்டு அரசியலிலும் தனக்கென தனி ராஜ்யத்தை உருவாக்கி சிம்மாசனம் போட்டு அமர்த்திருப்பவர் MGR. மக்கள் மனதில் நீங்காத இடம் பிடித்தவர் MGR. தன்னிகரற்ற தலைவர் இவரை போல் ஒரு மனிதர் இல்லை மக்கள் போற்றும் படி வாழ்ந்து மறைந்தவர் MGR.

குடும்ப வறுமைக்காக சாப்பாட்டிற்கு வழியில்லாமல் கஷ்டப்பட்ட MGR நாடகத்தில் இணைந்து நடிக்க ஆரம்பித்தார். பின்னர் சினிமாவில் துணை கதாபாத்திரங்களில் நடிக்க ஆரம்பித்து பத்து வருட போராட்டத்திற்கு பிறகு நடிகராக உயர்ந்தவர். தனக்கு கிடைத்த வாய்ப்பை சரிவர பயன்படுத்தி கோடிக்கணக்கான ரசிகர்களை பெற்றவர்.

இவரது படங்கள் என்றாலே சமூக நீதி கருத்துக்கள் திராவிட சிந்தனைகள் ஆக்ஷன் காட்சிகள் நிறைந்ததாக இருக்கும். இதனால் மக்கள் இவரை பெரிதும் ரசித்தனர். மக்களுக்கு பணி செய்ய வேண்டும் என்று விரும்பிய MGR சினிமாவில் இருக்கும் போதே திராவிட கட்சிகளில் இணைந்து பணியாற்றினார். பின்னர் தனியாக கட்சி ஆரம்பித்து தேர்தலில் போட்டியிட்டு தமிழ்நாட்டின் முதலமைச்சர் ஆக தான் இருக்கும் வரையிலும் பதவி வகித்து மக்கள் மனதில் நீங்காத இடம் பிடித்தவர் MGR.

அப்படி ஒரு முறை MGR அவர்களின் படம் சூட்டிங் நடந்து கொண்டிருந்திருக்கிறது. அப்போது MGR அரசியலுக்கு வந்த தருணம். அப்போது MGR படக்குழுவினரிடம் எனது அரசியல் வாழ்க்கைக்கும் சினிமாவிற்கும் ஏற்றார் போல் ஒரு நல்ல தலைப்பு இந்த படத்திற்கு வைக்க வேண்டும் என்று கூறினாராம். உடனே படத்தின் கதை ஆசிரியர் MGR இடம் வந்து உங்களுக்கு பிடித்தமான ஒரு பேரை கொண்டு வந்திருக்கிறேன் என்று கூறி படத்தின் பெயரை கூறினாராம். உடனே எம்ஜிஆர்க்கு அந்த தலைப்பு மிகவும் பிடித்து மனமகிழ்ந்து அந்த கதாசிரியருக்கு உடனடியாக ஆயிரம் ரூபாய் ரொக்க பணமாக பரிசாக கொடுத்திருக்கிறார். அந்த படத்தின் பெயர் தான் ஆயிரத்தில் ஒருவன்.