சென்னை மாநகராட்சி மேயர் ஆர். பிரியா, நடைபெறவுள்ள தமிழக சட்டமன்றத் தேர்தலில் திருவிக நகர் தொகுதியில் போட்டியிட விருப்பம் தெரிவித்துள்ளதாக வெளியாகி இருக்கும் தகவல் அரசியல் வட்டாரத்தில் பெரும் பரபரப்பை ஏற்படுத்தியுள்ளது. இதற்காக அவர் திமுக தலைமைடம் விருப்பமனு தாக்கல் செய்துள்ளதாகவும், மாவட்டச் செயலாளரும் அமைச்சருமான சேகர்பாபு உள்ளிட்ட முக்கிய நிர்வாகிகளிடம் தனது விருப்பத்தை முன்வைத்துள்ளதாகவும் கூறப்படுகிறது.
2022-ஆம் ஆண்டு சென்னையின் முதல் தலித் பெண் மேயராகப் பொறுப்பேற்ற பிரியா, கடந்த இரண்டு ஆண்டுகளில் மக்கள் மத்தியில் நல்ல அறிமுகத்தைப் பெற்றுள்ளார். சென்னை மாநகராட்சியின் பதவிக்காலம் முடிவடைய இன்னும் ஓராண்டு காலமே உள்ள நிலையில், சட்டமன்ற உறுப்பினராக மக்கள் சேவையைத் தொடர அவர் ஆர்வம் காட்டி வருகிறார். குறிப்பாக, வடசென்னைக்கு உட்பட்ட திருவிக நகர் தனித்தொகுதி என்பதால், அங்கு போட்டியிடுவது அவருக்குச் சாதகமாக இருக்கும் எனக் கருதப்படுகிறது.
தற்போது திருவிக நகர் தொகுதியின் சட்டமன்ற உறுப்பினராக தாயகம் கவி இருந்து வருகிறார். தொகுதி மறுசீரமைப்பு மற்றும் புதுமுகங்களுக்கு வாய்ப்பளிக்கும் திமுக தலைமையின் திட்டத்தின் அடிப்படையில், இந்த முறை மேயர் பிரியாவுக்கு அங்கு வாய்ப்பு வழங்கப்படலாம் என்ற பேச்சு பலமாக அடிபடுகிறது. இதற்கேற்ப, மேயர் பிரியாவும் சமீபகாலமாக அந்தத் தொகுதியில் பல்வேறு மக்கள் நலப் பணிகளிலும் கட்சி நிகழ்ச்சிகளிலும் கூடுதல் கவனம் செலுத்தி வருவதாகத் தெரிகிறது.
மேயர் பிரியா மட்டுமின்றி, சென்னை துணை மேயர் மகேஷ் குமாரும் வேளச்சேரி தொகுதியில் போட்டியிட விருப்பமனு அளித்துள்ளதாகத் தகவல்கள் தெரிவிக்கின்றன. இதனால், வரும் சட்டமன்றத் தேர்தலில் சென்னையில் உள்ள பல தொகுதிகளில் திமுக சார்பில் மேயர், துணை மேயர் மற்றும் சில முக்கிய கவுன்சிலர்கள் எனப் புதிய முகங்கள் களம் இறக்கப்பட வாய்ப்புள்ளதாகத் தெரிகிறது. இது சென்னை அரசியல் களத்தில் ஒரு புதிய மாற்றத்திற்கான தொடக்கமாகப் பார்க்கப்படுகிறது.
உத்திரப்பிரதேசத்தில் கங்கா எக்ஸ்பிரஸ்வேயில் கட்டுப்பாட்டை இழந்த கார் மோதிய விபத்தில் ஒரே குடும்பத்தைச் சேர்ந்த 4 பேர் பரிதாபமாக உயிரிழந்த…
டெல்லியில் போதைப்பொருள் விற்க மறுத்த பூ வியாபாரி பெண்ணைக் கும்பல் ஒன்று லத்தியால் தாக்கியுள்ள சம்பவம் சமூக வலைதளங்களில் வைரலாகிப்…
கன்னியாகுமரி மாவட்டம் கருங்கல் அருகே நேர்ந்த இருசக்கர வாகன விபத்தில் 13 வயது பரதநாட்டியக் கலைஞர் சிறுமி பரிதாபமாக உயிரிழந்த…
மத்திய அரசின் சார்பில் அரசுப் பள்ளி மாணவர்களுக்காக நடத்தப்படும் தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு…
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…