“நீ இங்க வேலை பார்க்க கூடாது…” மலைவாழ் பெண்ணின் முடியை இழுத்து, பட்டா கத்தியால் தாக்கிய நபர்…. இணையத்தில் கொந்தளிப்பை ஏற்படுத்திய வீடியோ வைரல்…!!

கள்ளக்குறிச்சி மாவட்டம் கல்வராயன் மலை வெள்ளிமலை அருகே உள்ள ஈச்சங்காடு பகுதியைச் சேர்ந்த ராசாத்தி என்ற மலைவாழ் பெண்மணி, சங்கராபுரம் அருகே உள்ள அரூர் கிராமத்தில் குமார் என்பவருக்குச் சொந்தமான வெல்ல மண்டியில் கூலி வேலை செய்து வருகிறார். இந்நிலையில், அதே பகுதியைச் சேர்ந்த பாண்டியன் என்பவர், மலைவாழ் மக்கள் இந்தப் பகுதியில் வேலை செய்யக் கூடாது எனக் கூறி அராஜகத்தில் ஈடுபட்டுள்ளார்.

மேலும், துணியால் சுற்றப்பட்ட பட்டா கத்தியை கொண்டு ராசாத்தியை அவர் கடுமையாகத் தாக்கியுள்ளார். இந்தத் தாக்குதல் குறித்த வீடியோ சமூக வலைதளங்களில் வெளியாகி பெரும் அதிர்ச்சியை ஏற்படுத்தியுள்ள நிலையில், சம்பந்தப்பட்ட நபர் மீது காவல்துறையினர் வழக்குப் பதிவு செய்து கடுமையான நடவடிக்கை எடுக்க வேண்டும் எனச் சமூக ஆர்வலர்களும் பொதுமக்களும் கோரிக்கை விடுத்து வருகின்றனர்.