“பாதுகாப்பு முக்கியம் பிகிலு”…. உடம்பில் இரும்பு கூண்டுடன் வீதியில் இறங்கிய நபர்…. இணையத்தை அலறவிடும் வீடியோ…!

கேரளாவில் அண்மையில் பேருந்து பயணத்தின் போது பெண் ஒருவரால் தவறாகக் குற்றம் சாட்டப்பட்ட நபர் ஒருவர், அதன் விளைவாக ஏற்பட்ட மன உளைச்சலால் தற்கொலை செய்துகொண்ட சம்பவம் பெரும் பரபரப்பை ஏற்படுத்தியது. இந்தச் சம்பவத்தைத் தொடர்ந்து, ஆண்கள் தங்களுக்குப் பாதுகாப்பற்ற ஒரு சூழல் நிலவுவதாகக் கருதி, சமூக வலைத்தளங்களில் பல்வேறு வினோதமான மற்றும் நையாண்டித்தனமான காணொளிகளைப் பதிவிட்டு வருகின்றனர்.

அந்த வகையில், கேரளாவைச் சேர்ந்த நபர் ஒருவர் தனது உடல் முழுவதையும் மூடும் வகையில் இரும்பு வலையாலான கூண்டை அணிந்துகொண்டு வீட்டை விட்டு வெளியேறும் காணொளி தற்போது இணையத்தில் வைரலாகி வருகிறது. மற்றொருவருடன் பேசிக்கொண்டே அந்தக் கூண்டுக்குள் இருந்தபடி அவர் சாலையில் நடப்பது போன்ற காட்சிகள் பார்ப்பவர்களை வியப்பிலும் நகைச்சுவையிலும் ஆழ்த்தியுள்ளன.

பெண்கள் அளிக்கும் தவறான புகார்களில் இருந்து தங்களைத் தற்காத்துக் கொள்ளவே இதுபோன்ற விசித்திரமான நடவடிக்கைகளை மேற்கொள்வதாக இந்தக் காணொளிகள் மூலம் ஆண்கள் ஒருவிதமான எதிர்ப்பைப் பதிவு செய்து வருகின்றனர். ஏற்கனவே சிலர் தங்களைச் சுற்றி கார்ட்போர்டு அட்டைகளை அணிந்து சென்ற நிலையில், தற்போது இந்த இரும்பு வலைக் கூண்டுச் சம்பவம் சமூக வலைத்தளங்களில் விவாதப் பொருளாக மாறியுள்ளது.