பண்டிகை கொண்டாட்டத்தில் ஏற்பட்ட துயரம்… இரண்டு நாட்களில் 9 பேர் பரிதாபமாக உயிரிழந்த சோகம்…!

தெலுங்கானா மாநிலம்  ஹைதராபாத்தில்  கிருஷ்ண ஜெயந்தியை முன்னிட்டு நடந்த திருவிழா கொண்டாட்டங்களின் போது ஏற்பட்ட மின்விபத்தில் சிக்கி பலர் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.ஹைதராபாத் மற்றும் காமா ரெட்டி மாவட்டங்களில் பலர் உயிரிழந்துள்ளனர். இதில் ஹைதராபாத் நகரில் உள்ள அம்மாபேட்டை பகுதியில் விநாயக மண்டபம் அமைக்கும் பொழுது ஒருவர் பலியாகியுள்ளார். இதனையடுத்து பந்தளகுடா பகுதிகள் சிலையை தூக்கிச் செல்லும்போது மின்கம்பியில் உரசியதால் இரண்டு பேர் உயிரிழந்தனர்.

இதில் மற்றொரு சம்பவத்தில் ராமந்தப்பூரில் கிருஷ்ணரின் தேரை இழுத்துச் செல்லும்போது மின்கம்பி உரசியதில் 5 பேர் உயிரிழந்தனர் மற்றும் நான்கு பேர் படுகாயமாடைந்தனர். மேலும் இரண்டு பேரின் நிலைமை கவலைக்கிடமாக உள்ளது. இதேபோல் காமா ரெட்டி மாவட்டத்தில் உள்ள ஆரேபள்ளி பகுதியில் விநாயகர் சிலையை தூக்கிச் செல்லும்  போது லட்சுமி நாராயணன் (25)என்பவர் மின்சாரம் தாக்கி பலியானார். கிருஷ்ண ஜெயந்தி கொண்டாட்டத்தின்போது மின்கம்பம் உரசி இரண்டு நாட்களில் ஒன்பது பேர் பலியான சம்பவம் பெரும் அதிர்ச்சியை ஏற்படுத்தியுள்ளது. இதனால் பொதுமக்கள் பாதுகாப்பாக பண்டிகையை கொண்டாட வேண்டும் என்று அறிவுறுத்தப்படுகிறது.