“குடிக்க தண்ணி கொடுங்கடா!”… அலுவலகத்தில் ருத்ரதாண்டவம் ஆடிய நபர்… பற்றி எரியும் சர்ச்சை… இணையத்தில் தெறிக்கும் வீடியோ…!!

மகாராஷ்டிர மாநிலம் லத்தூர் மாவட்டத்திற்குட்பட்ட அகமதுபூர் பகுதியில் கடுமையான குடிநீர் தட்டுப்பாடு நிலவி வரும் சூழலில், அப்பகுதி நகராட்சி அலுவலகத்தில் நபர் ஒருவர் திடீர் ரகளையில் ஈடுபட்டார். நகராட்சித் தலைவரின் அறைக்குள் அத்துமீறி நுழைந்த அந்த நபர், அங்கிருந்த நாற்காலிகளை உடைத்து, பொருட்களைத் தூக்கி வீசி அலுவலகத்தை சூறையாடியுள்ளார். குடிநீர் தட்டுப்பாடு மற்றும் சீரற்ற விநியோகத்தைக் கண்டித்து நிகழ்த்தப்பட்ட இந்த வன்முறைச் சம்பவத்தின் காணொளி சமூக வலைதளங்களில் வெளியாகி பெரும் பரபரப்பை ஏற்படுத்தியுள்ளது.

இச்சம்பவம் குறித்து உள்ளூர் நிர்வாகம் அகமதுபூர் காவல் நிலையத்தில் புகார் அளித்துள்ளதுடன், அந்நபர் மதுபோதையில் இருந்ததாகத் தெரிவித்துள்ளது. மகாராஷ்டிராவில் போதிய மழைப்பொழிவு இல்லாததால் பல பகுதிகள் வறட்சியால் பாதிக்கப்பட்டுள்ள நிலையில், நகர்ப்புற மற்றும் கிராமப்புற உள்ளாட்சி அமைப்புகள் நீர்ப் பயன்பாட்டைக் கட்டுப்படுத்த நடவடிக்கை எடுத்து வருகின்றன. முன்னதாக இதே பகுதியில் குடிநீருக்காகக் பொதுமக்கள் அலுவலகக் கட்டடத்தின் மீது ஏறி வினோதப் போராட்டம் நடத்தியிருந்த நிலையில், இந்த புதிய வன்முறைச் சம்பவம் அப்பகுதியில் நிலவும் கடுமையான குடிநீர் நெருக்கடியை வெளிச்சத்திற்குக் கொண்டுவந்துள்ளது.