“கிரிக்கெட் ரசிகர்களுக்கு கொண்டாட்டம்…! IPL 2027ல் அதிரடி மாற்றம்.. 94 ஆக உயரும் போட்டிகள்…! பிசிசிஐ-யின் மாஸ்டர் பிளான்…!”

இந்திய கிரிக்கெட் கட்டுப்பாட்டு வாரியம் வரவிருக்கும் 2027 ஐபிஎல் தொடரை வழக்கத்தை விட முன்கூட்டியே, அதாவது மார்ச் 10 ஆம் தேதியே தொடங்க திட்டமிட்டுள்ளதாகத் தெரிகிறது. ஏப்ரல் மற்றும் மே மாதங்களில் நிலவும் கடுமையான கோடை வெயில் மற்றும் முன்கூட்டி வரும் மழைப்பொழிவு ஆகியவற்றிலிருந்து வீரர்களையும் ரசிகர்களையும் பாதுகாக்கும் நோக்கில், போட்டிகளை மே 15 ஆம் தேதிக்குள் முடிக்க இந்த புதிய கால அட்டவணை உத்தேசிக்கப்பட்டுள்ளது.

அதே நேரத்தில், அடுத்த சீசனில் போட்டிகளின் எண்ணிக்கையை தற்போதைய 74 என்ற அளவிலிருந்து 94 போட்டிகளாக உயர்த்தவும் பிசிசிஐ திட்டமிட்டுள்ளது. போட்டிகளின் எண்ணிக்கை கணிசமாக அதிகரிப்பதால், ஒரே நாளில் இரண்டு போட்டிகள் நடத்தப்படும் நாட்களின் எண்ணிக்கை அதிகரிக்க வாய்ப்புள்ளது. இது வீரர்களின் பணிச்சுமையை சற்று அதிகரித்தாலும், சர்வதேச தொடர்களுக்குத் தயாராக அவர்களுக்குப் போதிய கால அவகாசம் கிடைக்கும் என எதிர்பார்க்கப்படுகிறது.

கடந்த 2025 மற்றும் 2026 ஆகிய இரண்டு ஐபிஎல் சீசன்களிலும் தொடர்ந்து சாம்பியன் கோப்பையைக் கைப்பற்றி, ‘பேக்-டு-பேக்’ சாம்பியனாக சாதனை படைத்துள்ள ராயல் சேலஞ்சர்ஸ் பெங்களூரு அணி, அடுத்த ஆண்டும் கோப்பையை வென்று ஹாட்ரிக் அடிக்குமா என்ற எதிர்பார்ப்பு ரசிகர்களிடையே அதிகரித்துள்ளது. அதே வேளையில், சென்னை, மும்பை மற்றும் கொல்கத்தா போன்ற முன்னாள் சாம்பியன் அணிகள் இந்த வரலாற்று சிறப்புமிக்க 20வது சீசனில் பலத்த கம்பேக் கொடுக்க தற்போதே தீவிரமாகத் தயாராகி வருகின்றன.