“நூலிழையில் தப்பிய உயிர்கள்!… “வானத்தில் அல்ல.. தரையிலேயே நடந்த விபத்து… நியூயார்க் ஏர்போர்ட்டில் அரங்கேறிய அதிர்ச்சி சம்பவம்…!”

நியூயார்க் நகரின் லகுவார்டியா  விமான நிலையத்தில், ஒரு பயணிகள் விமானம் தரையில் நின்றிருந்த தீயணைப்பு வாகனத்தின் மீது மோதி விபத்துக்குள்ளான சம்பவம் பெரும் பரபரப்பை ஏற்படுத்தியுள்ளது. ஏர் கனடா விமானம், ஓடுதளத்தை நோக்கிச் சென்று கொண்டிருந்தபோது எதிர்பாராதவிதமாக அங்கிருந்த ஒரு தீயணைப்பு வாகனத்தின்  மீது மோதியது. இந்த மோதலில் காயமடைந்த பலர் மருத்துவமனையில் அனுமதிக்கப்பட்டிருந்தார்.

இந்த விபத்தைத் தொடர்ந்து, விமானத்தில் இருந்த பயணிகளை மாற்று பாதையில் பாதுகாப்பாக இறக்கப்பட்டதால்  யாருக்கும் பெரிய அளவில் காயங்கள் ஏற்படவில்லை. இந்த மோதல் எப்படி நிகழ்ந்தது என்பது குறித்து அந்நாட்டு விமான போக்குவரத்து ஆணையம் தீவிர விசாரணை நடத்தி வருகிறது. விமான நிலைய ஊழியர்களின் கவனக்குறைவா அல்லது தொழில்நுட்பக் கோளாறா என்ற கோணத்தில் ஆய்வுகள் மேற்கொள்ளப்பட்டு வருகின்றன. உலகின் பரபரப்பான விமான நிலையங்களில் ஒன்றான நியூயார்க்கில் நடந்த இந்தச் சம்பவம், விமான நிலைய பாதுகாப்பு நடைமுறைகள் குறித்த கேள்விகளை மீண்டும் எழுப்பியுள்ளது.