தமிழ் திரையுலகில் கமர்சியல் சினிமாக்களில் தனித்துவமான ஒரு பாணியை கையாள்பவர் லிங்குசாமி. இவர் இயக்கிய “ரன்”, “சண்டகோழி”, “பையா”, “வேட்டை” போன்ற திரைப்படங்கள் வேற லெவலில் ஹிட் அடித்தவை. எனினும் இவர் இயக்கிய சில திரைப்படங்கள் தோல்வியை தழுவிய சம்பவங்களும் உண்டு.
அவ்வாறு ரசிகர்கள் பலராலும் எதிர்பார்க்கப்பட்டு அவர்களின் ரசனையை பூர்த்தி செய்யாத லிங்குசாமி திரைப்படங்களில் “ஜி” திரைப்படமும் ஒன்று. இத்திரைப்படம் 2005 ஆம் ஆண்டு வெளியானது. இதில் அஜித்குமார், திரிஷா ஆகியோர் நடித்திருந்தனர். இத்திரைப்படம் அஜித்தின் கெரியரில் ஒரு சுமாரான திரைப்படமாகவே அமைந்தது.
இந்த நிலையில் சமீபத்தில் ஒரு பேட்டியில் கலந்துகொண்ட இயக்குனர் லிங்குசாமி, “ஜி” திரைப்படத்தின் தோல்வி குறித்து மிகவும் வெளிப்படையாக பேசியுள்ளார்.
“அஜித் சார்க்கு என்னுடைய ஜி திரைப்படத்தில் நடிக்க வேண்டும் என்ற விருப்பமே இல்லை. என் படத்தில் மட்டுமல்ல, அவருக்கு அந்த சமயத்தில் எந்த திரைப்படத்திலும் நடிக்க விருப்பம் இல்லை. ஏனென்றால் அவருக்கு கார் ரேஸ் மீது மட்டுமே ஈடுபாடு இருந்தது” என்று கூறிய அவர்,
“அஜித் சாரிடம் நான் இரண்டு கண்டிஷன்கள் போட்டிருந்தேன். தாடி ஒரிஜினலாக வைக்க வேண்டும், உடம்பை குறைக்கவேண்டும், ரியல் லொக்கேஷனில் ஷூட் செய்யவேண்டும் என்று கூறினேன். அதற்கு அவர் என்னை வைத்து ரியல் லொகேஷனில் ஷூட் செய்ய முடியாது என்று கூறினார். அது உண்மைதான். அவருக்கு பல கோடி ரசிகர்கள் இருக்கிறார்கள். ஒரு முறை படப்பிடிப்புத் தளத்தில் அவரது கையை பிராண்டிவிட்டார்கள். ரத்தம் வந்துவிட்டது” என்று கூறினார்.
மேலும் பேசிய அவர், “ஜி திரைப்படத்தின் படப்பிடிப்பு நடைபெற்றபோது அந்த தயாரிப்பாளரிடம் காசு இல்லை. படப்பிடிப்பு சரியாக நடக்கவில்லை. அந்த திரைப்படத்தின் படப்பிடிப்பு நடந்துகொண்டிருந்தபோது எதாவது சுனாமி வந்துவிடாதா என்று கூட சிந்தித்தேன். அந்த படம் ஓடாது என்று எனக்கு நன்றாகவே தெரியும். ஜி திரைப்படத்தை பொறுத்தவரை ஒரு யூத்தான ஹீரோ வேண்டும் என்று எதிர்பார்த்தேன். அதில் அஜித் சாரை பொருத்தியதே எனக்கு பிடிக்கவில்லை” என கூறியிருந்தது குறிப்பிடத்தக்கது.
நடிகர் ஷாருக்கான் அவருடைய மனைவி கௌரிக்கான் மகள் மற்றும் மகன்களுடன் வாக்கு செலுத்திய புகைப்படங்கள் இணையத்தில் வெளியாகி வைரலாகி வருகின்றது.…
ஜூஸ் கடையில் தனது சிறு வயது வாழ்க்கையை தொடங்கி குறைந்த விலையில் கேசடுகளை விற்று இசையை மில்லியன் டாலர் வணிகமாக…
30 ஆண்டுகளுக்குப் பிறகு கேன்ஸ் திரைப்பட விழாவில் முதலாவதாக இந்திய திரைப்படம் ஒன்று போட்டியிடுகின்றது. பாயா கபாடியாவின் இயக்கத்தில் கோலிவுட்…
தமிழ் சினிமாவில் மிகவும் பிரபலமான நடிகர்களில் ஒருவராக வலம் வருபவர் நடிகர் அஜித். ரசிகர்களால் தல என்று செல்லமாக அழைக்கப்பட்டு…
தமிழகத்தில் கடந்த சில தினங்களாக மேற்கு தொடர்ச்சி மலை பகுதியில் தொடர்ந்து கன மழை பெய்து வருகின்றது. இதனால் நீர்வீழ்ச்சிகளில்…
தமிழ் சினிமாவில் கடந்த 2001 ஆம் ஆண்டு வெளியான சாக்லேட் என்கின்ற திரைப்படத்தின் மூலமாக அறிமுகமாகி காமெடி கதாபாத்திரங்களிலும், சந்தானத்தின்…