“குழந்தைக்கு தந்தை…” அண்ணனின் காதலை மறுத்த சட்ட கல்லூரி மாணவி…! நடுரோட்டில் தம்பி செய்த கொடூரம்… பெங்களூரில் பதற வைக்கும் பின்னணி…!

பெங்களூரைச் சேர்ந்த அமிர்தா என்ற சட்டக்கல்லூரி மாணவி, தனது பகுதியில் வசிக்கும் தனுஷ் என்ற இளைஞரை ஒரு ஆன்மீக விழாவில் சந்தித்துக் காதலித்து வந்தார். ஆனால், தனுஷிற்கு ஏற்கனவே திருமணமாகி விவாகரத்து பெற்றதும், அவருக்கு ஒரு குழந்தை இருப்பதும் அண்மையில்தான் அமிர்தாவிற்குத் தெரியவந்தது. இந்த உண்மை மறைக்கப்பட்டதால் மனமுடைந்த அமிர்தா, தனுஷுடனான தனது காதல் பந்தத்தை உடனடியாகத் துண்டித்துக் கொண்டார். இதனால் ஆத்திரமடைந்த தனுஷின் தம்பியான சூர்யா, சம்பவத்தன்று கோடஹள்ளி பகுதியில் நடந்து சென்று கொண்டிருந்த அமிர்தாவை வழிமறித்துக் காதலை முறித்தது குறித்துக் கடுமையாக வாக்குவாதம் செய்துள்ளார்.

அப்பகுதியில் மக்கள் நடமாட்டம் அதிகமாக இருந்தபோதிலும், வாக்குவாதம் முற்றவே சூர்யா தான் மறைத்து வைத்திருந்த கத்தியால் அமிர்தாவைச் சரமாரியாகக் குத்திவிட்டுத் தப்பியோட முயன்றார். அங்கிருந்த பொதுமக்கள் அவரை மடக்கிப் பிடித்துக் காவல் துறையினரிடம் ஒப்படைத்த நிலையில், படுகாயமடைந்த மாணவி மருத்துவமனையின் தீவிர சிகிச்சைப் பிரிவில் அனுமதிக்கப்பட்டார். அங்கு சுமார் 48 மணி நேரம் உயிருக்குப் போராடிய அமிர்தா சிகிச்சை பலனின்றி பரிதாபமாக உயிரிழந்தார். இந்தத் திட்டமிட்ட கொலை தொடர்பாகச் சூர்யாவை மட்டுமின்றி, கொலைக்குத் தூண்டுதலாக இருந்த அவரது அண்ணன் தனுஷையும் போலீசார் அதிரடியாகக் கைது செய்து சிறையிலடைத்துள்ளனர்.