KPY பாலா கட்டும் இலவச மருத்துவமனை… மொத்த இடத்தையும் இலவசமாக கொடுத்த விஜய் டிவி பிரபலம்… இந்த மனசு யாருக்கு வரும்..!

எந்த ஒரு சினிமா பின்னணியும் இல்லாமல் தனது சொந்த முயற்சியால் முன்னேறியவர் KPY பாலா. இவர் முதல் முதலில் “கலக்கப்போவது யாரு?” என்ற நிகழ்ச்சியில் அறிமுகமானார். பின் பல நிகழ்ச்சிகளில் சிறு சிறு கதாபாத்திரத்தில் நடித்து, மிகவும் பிரபலமான “குக் வித் கோமாளி” என்ற சமையல் நிகழ்ச்சி மூலம் பிரபலம் அடைந்தார்.

இது மட்டுமல்லாமல் தன்னிடம் உதவி என்று வருவோருக்கு, ஆம்புலன்ஸ் வாங்கி தருவது, நோயால் வாடுபவர்களுக்கு உதவுவது, தொழில் உதவி செய்வது போன்ற பல நல்ல விஷயங்களை தொடர்ந்து செய்து வருகிறார். மேலும் இவர் நடித்துள்ள படம் “காந்தி கண்ணாடி” நேற்று திரையரங்கில் வெளியாகி நல்ல விமர்சனங்களை பெற்று வருகிறது.

இவர் மேலும் ஒரு படி சென்று, ஏழை எளிய மக்களுக்கு உதவும் வகையில் இலவச மருத்துவமனை கட்ட முடிவு செய்தார். அதற்கு இடம் தேடிய போது, தனது நிலத்தை கொடுத்து உதவியுள்ளார், நடிகர் அமுதவாணன். சுமார் 30 லட்சத்திற்கும் மேல் இருக்கும் அந்த இடத்தை, இலவசமாக அமுதவாணன் கொடுத்துள்ளதாக தகவல் வெளியாகிறது. மேலும் பல இணையவாசிகள் அமுதவாணனை பாராட்டி வருகின்றனர்.