தமிழ் மக்கள் உணர்வுகளை மதிக்கிறோம்… அதையும் மீறி புண்படுத்தியிருந்தால்… மன்னிப்பு கேட்ட கிங்டம் படக்குழு..!

நடிகர் விஜய்  தேவரகொண்டா நடிப்பில் வெளியான தெலுங்கு படம் கிங்டம். ஈழத்தமிழர்களை மோசமாக சித்தரித்து இந்த படம் காட்டுகிறது. இந்தியாவில் இருந்து இலங்கைக்கு குடி பெயர்ந்தவர்களை ஈழத் தமிழர்கள் அடிமைகள் போலவும்,தீண்ட தகாதவர்களாகவும் நடத்துவது போல இந்த படத்தில் காட்சிகள் இடம் பெற்றது. இதனையடுத்து இந்த படத்திற்கு நாம் தமிழர் கட்சி ஒருங்கிணைப்பாளர் சீமான் கன்னடம் தெரிவித்து இருந்தார். மேலும் படம் ஓடிக் கொண்டிருக்கும் தியேட்டர் முன்பு போராட்டத்தில் ஈடுபட்ட நாம் தமிழர் கட்சியை சேர்ந்தவர்கள் காவல்துறையினர் கைது செய்த நிலையில் தமிழ் மக்களிடம் கிங்டம் படக்குழு வருத்தம் தெரிவித்துள்ளது.

இது குறித்து அப்பட நிறுவனம் வெளியிட்டுள்ள அறிக்கையில், “கிங்டம் படத்தின் சில காட்சிகள் தமிழ் மக்களுடைய உணர்வுகளை காயப்படுத்தியதாக அறிந்தோம். படத்தின் கதை முற்றிலும்  கற்பனையானது. தமிழ் மக்களின் உணர்வுகளை நாங்கள் மதிக்கிறோம். அதையும் மீறி  மக்களின் உணர்வுகள் ஏதேனும் புண்பட்டு இருந்தால் மிகவும் வருந்துகிறோம்” என்று தெரிவித்துள்ளது