“ரஜினியை செதுக்கிய சிற்பி”…. பிரபல நடிகர் மாரடைப்பால் திடீர் மரணம்… அதிர்ச்சியில் ஒட்டுமொத்த திரையுலகம்…!

பழம்பெரும் கன்னடத் திரைப்பட இயக்குநரும், நடிகருமான ஜோ சைமன் (80) வயது முதிர்வு மற்றும் உடல்நலக் குறைவு காரணமாக பெங்களூருவில் காலமானார். கன்னடத் திரையுலகில் ஆக்ஷன் மற்றும் கமர்ஷியல் படங்களின் முன்னோடியாகக் கருதப்படும் இவர், 20-க்கும் மேற்பட்ட வெற்றிப் படங்களை இயக்கியதுடன், 100-க்கும் மேற்பட்ட திரைப்படங்களில் குணச்சித்திர மற்றும் நகைச்சுவை கலந்த வில்லன் கதாபாத்திரங்களில் நடித்து முத்திரை பதித்தவர். இவரது மறைவு தென்னிந்தியத் திரையுலகினரிடையே, குறிப்பாக கன்னட சினிமா ரசிகர்களிடையே பெரும் சோகத்தை ஏற்படுத்தியுள்ளது.

தமிழ் சினிமா ரசிகர்களுக்கு ஜோ சைமன் மிகவும் நெருக்கமானவராக அறியப்படக் காரணம், சூப்பர் ஸ்டார் ரஜினிகாந்தின் ஆரம்பகால வாழ்க்கையில் அவர் வகித்த முக்கியப் பங்கு ஆகும். 1977-ஆம் ஆண்டு ரஜினிகாந்த் நடிப்பில் வெளியான ‘ஒந்து பிரேமதா கதே’ (Ondu Premada Kathe) என்ற கன்னடத் திரைப்படத்தைத் தயாரித்து இயக்கியவர் இவரே. ரஜினிகாந்தின் தனித்துவமான ஸ்டைல் மற்றும் நடிப்பை ஆரம்பக் காலத்திலேயே அடையாளம் கண்டு அவருக்குப் பெரும் அங்கீகாரத்தைப் பெற்றுத் தந்தவர்களில் ஜோ சைமன் முக்கியமானவர். இவரது மறைவுக்கு சிவராஜ்குமார், உபேந்திரா உள்ளிட்ட முன்னணி திரைப்பிரபலங்கள் மற்றும் ரசிகர்கள் தங்களது ஆழ்ந்த இரங்கலைத் தெரிவித்து வருகின்றனர்.