#image_title
தமிழ் சினிமாவில் கிட்டத்தட்ட 65 ஆண்டுகளாக வெற்றிகரமாக இயங்கி வருபவர் கமல்ஹாசன். இந்த ஆண்டுகளில் அவர் கால்பதிக்காத துறைகள் வெகுசிலவே. வெற்றிகரமான நடிகராக விளங்கினாலும் கமல் பரிசோதனை முயற்சிகள் செய்யாமல் இருந்ததில்லை. அப்படி செய்து அவர் கையை சுட்டுக்கொண்ட சம்பவங்களும் நடந்துள்ளன.
90 களில் கமல்ஹாசன் பல பரிசோதனை முயற்சி படங்களாக நடித்துக் கொண்டிருந்தார். அதனால் அவரின் பல படங்கள் கமர்ஷியலாக வெற்றி பெறாமல் தோல்வி அடைந்தன. ஆனால் காலம் சென்று அந்த படங்கள் இன்றும் கல்ட் கிளாசிக் படங்களாக கொண்டாடப்பட்டு வருகின்றன.
ஆனால் அந்த காலகட்டத்தில் மிகப்பெரிய கமர்ஷியல் வெற்றியாக அமைந்த படம் இந்தியன். ஷங்கர் இயக்கத்தில் கமலுடன் மனிஷா கொய்ராலா, கவுண்டமணி, செந்தில் என ஒரு மிகப்பெரிய நட்சத்திர பட்டாளமே நடித்த இந்த படத்துக்கு ஏ ஆர் ரஹ்மான் இசையமைக்க, ஏ எம் ரத்னம் தயாரித்திருந்தார். அப்போதைய சூழலில் தமிழ் சினிமாவில் அதிக பட்ஜெட்டில் உருவான படமாக இந்தியன் உருவாகியிருந்தது. பின்னர் இதே போல லஞ்சம் செய்பவர்களைக் கொலை செய்யும் படமாக ரமணா உள்ளிட்ட பல படங்கள் உருவாகி வெற்றி பெற்றன.
ஆனால் இந்தியன் படத்தின் மீது அப்போதே அறிவுஜீவிகளால் வைக்கப்பட்ட விமர்சனம் என்னவென்றால் இந்த திரைப்படம் ஊழல் என்பது சாதாரண கீழ்நிலை ஊழியர்களிடம் மட்டுமே இருப்பது போல சித்தரிக்கிறது. மேலே இருந்து அமைப்பை சரிசெய்யாமல் கீழ்நிலையில் உள்ள ஊழலை ஒழிக்க முடியாது. மேலும் லஞ்சம் வாங்குபவர்களைக் கொன்றுவிட வேண்டும் என நினைப்பதெல்லாம் பாசிச மனநிலை எனக் கடுமையாக விமர்சித்திருந்தார்கள்.
இந்நிலையில் இந்தியன் படம் ரிலீஸாகி வெற்றி பெற்ற பின்னர் கமல்ஹாசன் அளித்த ஒரு தொலைகாட்சி நேர்காணலிலும் இதே கருத்தை சொல்லியுள்ளார். அதில் “இந்த படத்தின் திரைக்கதையோடும், கதாபாத்திரத்தோடும் ஒன்ற முடிந்ததால்தான் இவ்வளவு கஷ்டப்பட்டு நடிக்க முடிந்தது. எனக்கு இந்த படத்தில் இருந்த ஒரே ஒரு கருத்து வேறுபாடு என்னவென்றால் அதில் பாசிசத்தின் த்வனி இருக்கிறது என்பதுதான்” எனக் கூறியுள்ளார். அப்படிக் கூறிய கமல்ஹாசனே இப்போது 28 ஆண்டுகள் கழித்து இந்தியன் 2 வில் நடித்துள்ளார் என்பதும் குறிப்பிடத்தக்கது.
தெலுங்கு சினிமாவில் முன்னணி நடிகராக இருக்கும் வெங்கடேஷ் தன்னைவிட 30 வயதுக்கு குறைவான நடிகைகளுடன் நடிக்க இருப்பது குறித்து ரசிகர்கள்…
நடிகர் வடிவேலு குறித்து சமீபத்திய பேட்டியில் காமெடி நடிகர் சிங்கமுத்து பல விஷயங்களை பகிர்ந்து இருக்கின்றார். அதை இந்த தொகுப்பில்…
ராமராஜன் படத்தில் நடித்த பிரபலமான நடிகை சாந்திப்பிரியாவின் லேட்டஸ்ட் புகைப்படங்கள் இணையத்தின் வெளியாகி வைரலாகி வருகிறது. தமிழ் சினிமாவில் கடந்த…
90ஸ் காலகட்டத்தில் இளைஞர்களின் கனவு கன்னியாக வலம் வந்தவர் நடிகை தேவயானி. சூர்யவம்சம் படத்தில் தேவயானி நடித்துக் கொண்டிருந்தபோது விக்கிரமனியிடம்…
நான் பெண் பார்க்க சென்ற போது என்னை பார்த்து பயந்து பெண் தூக்கு மாட்டிக் கொள்ள சென்று விட்டது என்று…
மகாநதி சீரியல் நடித்து வரும் நடிகைக்கு படத்தில் ஹீரோயினியாக நடிப்பதற்கு வாய்ப்பு கிடைத்துள்ளதாக தகவல் வெளியாகி இருக்கின்றது. சின்னத்திரையில் அறிமுகமாகும்…