ரஜினி, விஜக்கு Ok ஆனா, கமலுக்கு No சொல்லிய நிறுவனம்…. கடைசியில் பெரிய சம்பவம் பண்ணிய உலகநாயகன்..

முன்பு எல்லாம் ஒரு படம் வெளியாகிறது என்றால் அது 100 நாட்களை தாண்டி தியேட்டர்களில் ஓடினால் தான் அது வெற்றி படமாக அங்கீகரிக்கப்படும். காலம் மாற மாற தியேட்டர்களின் எண்ணிக்கை உயர உயர ஒரு முன்னனி நடிகர்களின் படம் ஒரு வாரம் தியேட்டர்களில் ஹவுஸ் ஃபுல்லாக ஓடினாலே அது வெற்றி படமாக மாறி விடுகிறது. அதேப் போல் வசூலைப் பொருத்து தான் தியேட்டர்கள் ஒரு படத்திற்கு ஒதுக்கப்படுகிறது.

விஜய், அஜித், ரஜினி ஆகியோரின் படங்கள் வெளியாகும் போது தமிழ்நாட்டில் உள்ள 900 தியேட்டர்களில் முக்கால் வாசி தியேட்டர்களில் படம் வெளியிடப்படும். அதே நேரம் வெளியாகும் சிறு தொகை அதாவது (small budget movies)-க்கு தியேட்டர்கள் ஒதுக்க தயக்கம் காட்டுவதால் நூற்றுக்கணக்கான படங்கள் வெளியாக முடியாமல் கிடப்பிலேயே போடப் படுகிறது.

முதல் தர ஹீரொக்கள் தவிர்த்து இரண்டாம் தர ஹீரோக்களின் படங்களை வெளியிட சில தியேட்டர் நிறுவனங்கள் முன்வருவதில்லை. குறிப்பாக பி.வி.ஆர் நிறுவனம். சொகுசான தியேட்டர் நிறுவனங்களில் ஒன்றான பி.வி.ஆர் நிறுவனம் முதல் தர ஹீரோக்களின் குறிப்பாக வசூல் குவிக்கும் படங்களை மட்டுமே திரையிடுகிறது. உதாரணமாக.. கமலின் விக்ரம் பட வெளியீட்டின் போது கூட, அதனை திரையிட அந்நிறுவனம் மறுத்து விட்டதாக கூறப்படுகிறது. விஜய், ரஜினி ஆகியோருக்கு ஒதுக்கப்படும் திரைகளை கமலுக்கு ஒதுக்க முடியாது என அந்நிறுவனம் கூறியதாக கூறப்படுகிறது.

இதனால் கடுப்பான கமல், PVR நிறுவனங்களில் விக்ரம் படத்தை வெளியிடாமல் போனால் எவ்வளவு நஷ்டம் ஏற்படும் என கமல் விசாரிக்க, 5கோடி ரூபாய் ஆகும் எனக் கூற, அதனை பெரிதுபடுத்த வேண்டாம் என கமல் கூறியிருக்கிறார். இதனை அறிந்து சற்று கலக்க மடைந்த PVR நிறுவனம், பிறகு விக்ரம் படத்திற்கு தியேட்டர்களை ஒதுக்க, படம் எதிர்பாராத அளவு வசூலை குவித்தது.

தற்போது கூட சலார் படத்திற்கு ஒதுக்கிய திரையைக் காட்டிலும் அஷோக் செல்வனின் சபாநாயகன் படத்திற்கு திரைகள் ஒதுக்கப்படாதது பெரும் சல சலப்பை ஏற்படுத்தியது. இது குறித்து கடந்த பிக்பாஸ் நிகழ்ச்சியில் கமல் காட்டமாக கூறியிருந்தார். சிறிய படங்கள் இல்லாமல் சினிமாவே இல்லை எனவும், நல்ல படங்களை திரையிட தியேட்டர் நிறுவனங்கள் முன்வர வேண்டும் எனவும் வலியுறுத்தி இருந்தது குறிப்பிடத்தக்கது.