சந்தன நிற பட்டு வேட்டி சட்டையில் புதுமாப்பிள்ளையாக ஜொலிக்கும் காளிதாஸ் ஜெயராம்.. வெளியான திருமண வரவேற்பு புகைப்படங்கள்..!

மலையாள மற்றும் தமிழில் பல வெற்றி திரைப்படங்களை கொடுத்து ரசிகர்கள் மத்தியில் தனக்கென்று ஒரு இடத்தை பிடித்துள்ள நடிகர் தான் ஜெயராம். இவர் பெரும்பாலும் மலையாள திரைப்படங்களில் அதிக அளவு நடித்துள்ள நிலையில் தமிழிலும் பல திரைப்படங்களில் நடித்துள்ளார். இவர் தன்னுடைய மகன் காளிதாஸ் ஜெயராமை தமிழ் சினிமாவில் ஹீரோவாக அறிமுகப்படுத்தினார்.

இவர் தமிழில் ஒரு சில திரைப்படங்களில் நடித்து வந்த நிலையில் இறுதியாக தனுஷ் நடிப்பில் வெளியான ராயன் திரைப்படத்தில் தனுஷுக்கு தம்பியாக நெகட்டிவ் ரோட்டில் நடித்திருந்தார். இந்த திரைப்படம் இவருடைய சினிமா வாழ்க்கையில் மிகப்பெரிய திருப்புமுனையாக அமைந்தது என்று கூறலாம்.

மாடலிங் அழகியான தாரணி காளிங்கராயரை இவர் காதலித்து வந்த நிலையில் வருகின்ற டிசம்பர் 7ஆம் தேதி இவர்களுடைய திருமணம் நடைபெற உள்ளதாக தகவல் வெளியானது. இதனைத் தொடர்ந்து நேற்று மாலை திருமண வரவேற்பு நிகழ்ச்சியை சொகுசு ஹோட்டலில் கோலாகலமாக நடந்தது.

நடிகர் ஜெயராம் இந்த ஆண்டு மே மாதம் தன்னுடைய மகள் மாளவிகாவின் திருமணத்தை குருவாயூர் கோவிலில் நடத்தி முடித்தார். அடுத்ததாக தனது மகன் காளிதாஸ் ஜெயராமுக்கு நிச்சயதார்த்தத்தை முடித்த ஜெயராம் வருகின்ற டிசம்பர் 7ஆம் தேதி திருமணத்தை நடத்த உள்ளார்.

தற்போது திருமண நிகழ்ச்சிகள் ஒவ்வொன்றாக நடைபெற தொடங்கியுள்ளது. காளிதாஸ் ஜெயராம் திருமண வரவேற்பு நிகழ்ச்சியில் சந்தன நிற பட்டு சட்டை மற்றும் பட்டு வேட்டி அணிந்து கொண்டு புது மாப்பிள்ளை ஆக மாஸாக போஸ் கொடுத்துள்ளார்.

சினிமா பிரபலங்கள் முதல் அரசியல் தலைவர்கள் வரை பலரும் இந்த திருமண வரவேற்பு நிகழ்ச்சியில் கலந்து கொண்டு மணமக்களை வாழ்த்தினார். அது தொடர்பான புகைப்படங்கள் தற்போது இணையத்தில் வைரல் ஆகி வருகிறது.