விஜய் – சங்கீதா விவாகரத்து வழக்கில் அதிரடி திருப்பம்… ஜூன் 15-ல் வெளியாகப்போகும் க்ளைமாக்ஸ்…. அதிர்ச்சியில் ரசிகர்கள்…!

நடிகர் விஜய் மற்றும் அவரது மனைவி சங்கீதா இடையிலான விவாகரத்து வழக்கு, சமீபகாலமாகத் தமிழகத்தில் பெரும் விவாதப் பொருளாக மாறியுள்ளது. செங்கல்பட்டு குடும்ப நல நீதிமன்றத்தில் சங்கீதா தாக்கல் செய்துள்ள இந்த மனுவின் அடிப்படையில், நடிகர் விஜய் நேரில் ஆஜராக ஏற்கனவே நீதிமன்றம் சம்மன் அனுப்பி இருந்தது. இருப்பினும், தற்போது நிலவி வரும் தேர்தல் பணிகள் மற்றும் பாதுகாப்பு காரணங்களை முன்னிறுத்தி, இருவரும் காணொலிக் காட்சி (Video Call) வாயிலாக ஆஜராக அனுமதி கோரியிருந்தனர். இதற்கு நீதிமன்றம் ஒப்புதல் அளித்த நிலையில், இந்த வழக்கின் அடுத்தகட்ட விசாரணை வரும் ஜூன் 15-ஆம் தேதிக்கு ஒத்திவைக்கப்பட்டுள்ளது.

இந்தச் சூழலில், வழக்கை விசாரித்து வந்த நீதிபதி எழிலரசி திடீரென விழுப்புரம் நீதிமன்றத்திற்கு இடமாற்றம் செய்யப்பட்டுள்ளது பரபரப்பை ஏற்படுத்தியுள்ளது. அவருக்குப் பதிலாக நீதிபதி சுஜாதா தற்போது நியமிக்கப்பட்டுள்ளார். வழக்கமாக நீதிமன்ற நிர்வாக நடைமுறைகளின் ஒரு பகுதியாகவே இந்த இடமாற்றம் பார்க்கப்பட்டாலும், விஜய் மற்றும் சங்கீதா இருவரும் காணொலிக் காட்சி மூலம் ஆஜராக ஒரே நாளில் நீதிபதி எழிலரசி அனுமதி வழங்கியதே இந்த உடனடி மாற்றத்திற்குக் காரணம் என நீதிமன்ற வட்டாரங்களில் கிசுகிசுக்கப்படுகிறது. புதிய நீதிபதியின் நியமனம் இந்த வழக்கின் போக்கில் ஏதேனும் மாற்றத்தை ஏற்படுத்துமா என்ற எதிர்பார்ப்பு எழுந்துள்ளது.

இருப்பினும், இந்த விவாகரத்து விவகாரத்தில் இரு தரப்பும் ஒரு சுமூகமான முடிவை எட்டியுள்ளதாகவே தகவல்கள் தெரிவிக்கின்றன. வாழ்நாள் ஜீவனாம்சம் மற்றும் குழந்தைகளின் எதிர்காலத்திற்கான சொத்து பாகப்பிரிவினைகள் குறித்து ஏற்கனவே பேசி முடிக்கப்பட்டுள்ளதாகக் கூறப்படுகிறது. பரஸ்பரம் பிரிந்து செல்வது என்ற முடிவில் இருவரும் உறுதியாக இருப்பதால், ஜூன் மாதம் நடைபெறவுள்ள விசாரணையின்போது இந்த விவாகரத்து குறித்த அதிகாரப்பூர்வமான இறுதி முடிவுகள் வெளியாகலாம் என எதிர்பார்க்கப்படுகிறது.